ტურეტიშ სინდრომი
ტურეტიშ სინდრომი თაშნეშე ჟილ დე ლა ტურეტიშ სინდრომი — ქრონიკული ლახარა, ნამუთ იხასიათებუ მოტორული დო ვოკალური ტიკეფით. ლახარას იროიანი ხასიათი უღჷ დო ძალამ ოშა-გოშა რე მუნაჩემეფი ედომუშამი გათელებაშ გეშა, მარა შხირას, ჭკვერობას სიმპტომეფი ირკენს.
ლახარას ფრანგი ნევროლოგშ ჟილ დე ლა ტურეტიშ ჯოხოქ გიადჷა, ნამუქჷთ XIX ოშწანურაშ ბოლოს პირველო ეჭარჷ დო დახასიათჷ, მუჭოთ სამედიცინე დგომარობა.
გჷმმაჭანაფალი ბაძაძეფი
რედაქტირაფასინდრომიშ ოსხირი ნეირობიოლოგიური ხასიათიშ რე. გჷთმარკვიალეფიშ მეჯინათ, მიოხვენი თირუეფი რე დუდიშ ტვინიშ გეჸვენჯ სტრუქტურეფს: ნუშიშობური გვირზილი, ორტყაფუშ გიროხილი, ბაზალური განგლიეფი დო ჸვაშ წილეფი.
ართი ჰიპოთეზაშ მეჯინათ, ათე თირუეფიშ ოსხირი რე ცენტრალური ნერვული სისტემაშ ნეიროტრანსმიტერული აგენტეფიშ, გიშაკერზაფილო დოფამინიშ თირუაშ აკორცუაფა.
რე სინდრომიშ გენეტიკური ბაძაძეფიშ ჰიპოთეზათ. ფანიური ისტორიეფიშ ანალიზიშ ოსხირშა, რე უზური ლახარაშ აუტოსომურ-დომინანტური რზათ გინოჩამა შგეშა. მარა თე ჰიპოთეზა დანტკიცაფილი ვა რე.
ჟილ დე ლა ტურეტიშ მოღვენი პიჯეფიშ მოჯგურეეფს შილებე აღვენუან მანიაკალურ-დეპრესიული ფსიქოზი, აჩემებული ნევროზი დო პანიკური აკორცუეფი.
დჷმახასიათაფალი შანეფი
რედაქტირაფაჟილ დე ლა ტურეტიშ სინდრომიშ მოღვენეფი რენა აკოფარჩხილეფი, იმპულსურეფი, ძალამი მოგინუეფი დო ემოციურეფი სტრესიშოთ. თინეფს უღჷნა პრობლემეფი ძირაფა-ოფირჩა ფუნქციეფიშ მოწიფუას დო წუწელი მოტორული ქიმინუეფიშ რსულებას. თაშNეშე ახასიათენა ლექინი დო კომპლექსური მოტორული დო ვოკალური ტიკეფი. თინეფს შქას:
- ექოლალია – შხვაში ზიტყვეფიშ დო ხონარეფიშ იმიტაცია, გომაჟირაფა — 20-45%
- ექოპრაქსია — შხვეფიშ ყარაფეფიშ გომაჟირაფა დო იმიტაცია — 10-35%
- პალილალია — ზიტყვაშ ბოლო ასოეფიშ ვარ-და ზიტყვასქვილეფიშ ბოლო ზიტყვაშ გომაჟირაფა — 10%
- კოპროლალია — უხამსი სიტყვების და ფრაზების უნებლიე წამოძახილი — 8-25%
- კოპროპრაქსია — უნებური დირგინაჟესტეფი დო ყარაფეფი — 1-6%
სქილადა
რედაქტირაფაჟილ დე ლა ტურეტიშ სინდრომი ქრონიკული ლახარა რე დო თიში რსული სქილადა ასეშო ვა რე მეგორაფილი. თეშ უმკუჯინალო, რე თე სინდრომიშ სქილადაშ ჟირი სტრატეგია: მედიკამენტური დო სოციალურ-ფსიქოლოგიური. სქილადაშ სტრატეგია დოჸუნს ლახარაშ სიმონკას ანუ სიმპტომეფიშ გჷშარჩქინაშ ხარისხშე დო სიუფრაშეშე.
ლიტერატურა
რედაქტირაფა- გ. ბახტაძე, ა. ქისტაური, გ. ბახტაძე, თერაპიული ლექსიკონი, თბ. 1991
- თ. გაგოშიძე, ბავშვის ფსიქიკური განვითარების დარღვევები, თბ. 2007