უმა თურმანი

უმა კარუნა თურმანი (Uma Karuna Thurman; დ. 29 პირელი, 1970) — ამერიკალი კინოარტისტი დო ფოტომოდელი. ამდღარშა რსულებური აფუ როლეფი შხვადოშხვა ჟანრიშ ფილმეფს, მუჭოთ რომანტიკული კომედიეფს, თეში დრამატულ დო ომენცარე-ფანტასტიკურ ფილმეფს დო სანწალესიუჟეტიან თრილერეფს თებული. თიში საუჯგუშო ფილმეფო იკოხოცხუ „ოშქურანჯი რსხუეფი“ (1988), „მაკულატურა“ (1994), „გატაკა“ (1997) დო ჟირი ფილმი სერიაშე „დოჸვილი ბილი“ (2003–04).

უმა თურმანი
დაბადებაშ ჯოხო	უმა კარუნა თურმანი
დაბადებაშ აბანი	ბოსტონი
დებადჷ	29 პირელი, 1970 (1970-04-29)
საქვარუა	არტისტი, მოდელი
აკოქიმინჯალაშ წანეფი	1987–ასეშა
ალმასქუ(ეფი)	გერი ოლდმენი (1990-1992) ითან ჰოუკი (1998-2005)

ბიოგრაფია

1980-იან წანეფს პროფესიონალი მოდელიშ კარიერაშ უკული 1988 წანას არტისტალა დიჭყჷ. თიში კარიერას შანულამი რდჷ ბეატრიქს კიდოშ როლი კვენტინ ტარანტინოშ ფილმეფს „დოჸვილი ბილი“. თურმანქ ათე ფილმის არსულჷ მოჭყუდუშ როლი, ნამუთ ნჯარს ეშეღანს თიში ჸოფილ ჸოროფილშე. ტარანტინოქ ათე პერსონაჟი სპეციალურო თურმანიშო ქიმინჷ. ათე პერსონაჟიშ ქიმინუაშ იდეა ჟირხოლოს ართო მურთესჷ „მაკულატურაშ“ გინოღალაშ ბორჯის. ფილმიშ გინოღალა თურმანიშ მოკათალაქ გახანგირძელჷ. გინოღალაქ 9 თუთას იგინძორჷ დო 5 ქიანას მიშჷ. თურმანქ ათე როლიშო იგურუ ოლჷმერი ხელუანუა დო იაპონური ნინა. „დოჸვილი ბილი“ საკულტო კლასიკათ გინირთჷ, კრიტიკოსეფქ თინა დადებითო აფასესჷ, თურმანქ მოჭყუდუშ როლიშო მიღჷ ორქოშ გლობუსიშ დო BAFTA-შ ნომინაციეფი.

ფილმოგრაფია

წანა		მარგალურო	ოდაბადური ჯოხოდვალა	როლი
1988	ფ	ბარონ მიუნჰაუზენიშ დუდსგინალი	The Adventures of Baron Munchausen	ქალღმერთი ვენერა
1988	ფ	ოშქურანჯი რსხუეფი	Dangerous Liaisons	სესილ დე ვოლანჟი
1994	ფ	მაკულატურა	Pulp Fiction	მია უოლასი
1997	ფ	გატაკა	Gattaca	ირენ კასინი
1999	ფ	გემუანი დო გოჯოგელი	Sweet and Lowdown	ბლანში
2003	ფ	დოჸვილი ბილი, ტომი 1	Kill Bill Volume 1	პატარძალი
2004	ფ	დოჸვილი ბილი, ტომი 2	Kill Bill Volume 2	ბეატრიქს კიდო
2013	ფ	ნიმფომანი	Nymphomaniac	მისის ჰ.

რესურსეფი ინტერნეტის

ვიკიოწკარუეს^? რე ხასჷლა თემაშენ:

უმა თურმანი

• უმა თურმანი — კინოფილმეფიშ ინტერნეტ მუნაჩემეფიშ ბაზას (ინგლისური)