უოლეს კაროზერსი
უოლეს ჰიუმ კაროზერსი (ინგლ. Wallace Hume Carothers; დ. 27 პირელი, 1896, ბერლინგტონი, აიოვა, ააშ — ღ. 29 პირელი, 1937, ფილადელფია, პენსილვანია, ააშ) — ამერიკალი ქიმიკოსი დო გჷმმაგონებელი, შინელი რე სინთეტიკური პოლიმერიშ ნეილონიშ გჷმოგონებათ.
| უოლეს კაროზერსი | |
| ინგლ. Wallace Carothers | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 29, 1937 (41 წანერი) |
| ღურაშ აბანი: |
ფილადელფია, პენსილვანია, ააშ |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: |
მენცარობეფიშ ერუანული აკადემიაშ მაკათური (1936) |
| ხეშმოჭარუა: |
|
კაროზერსი გურაფულენდჷ ტარკიოშ კოლეჯის, მისურის. დუდშე თიში ინტერესეფიშ სფერო ინგლისური ლიტერატურა რდჷ, მარა უკულიან პერიოდეფს ქიმიათ დეინტერესჷ. კაროზერსიქ კოლეჯი 1920 წანას გათუ დო მალას გურაფა გაგინძორჷ ილინოისიშ უნივერსიტეტის (ურბანა-შამპეინი), სოდეთ მიპალუ მაგისტრიშ ხარისხი კარლ მარველიშ ხემანჯღვერობათ.
1921-1922 წანეფს მუშენდჷ ობჟათე დაკოტაშ უნივერსიტეტის, ქიმიაშ ინსტრუქტორო. 1922 წანას კაროზერსიქ კინ ილინოისიშ უნივერსიტეტიშა დირთჷ, სოდეთ თხილუ ოდოქტორე დისერტაცია როჯერ ადამსიშ ხემანჯღვერობათ, 1924 წანას.
გურაფაშ თებაშ უკული კაროზერსი მუშენდჷ შხვადოშხვა ომენცარე ინსტიტუტეფს. 1926 წანას მუშობა ქიდიჭყჷ ჰარვარდიშ უნივერსიტეტის. 1927 წანას კაროზერსიქ გეგნორთჷ კომპანია DuPont-შა. DuPont-ის კაროზერსი რდჷ ექსპერიმენტული ლაბორატორიაშ მადუდე. ჸათე ლაბორატორია პოლიმერული რკვიებეფიშ ცენტრი რდჷ. ნეილონიშ გარდა კაროზერსიქ მიშეღჷ დიდი მენცარული კონტრიბუცია ნეოპრენიშ გოვითარაფაშა.
1936 წანას კაროზერსიქ ოსურო ქიმიჸონჷ ჰელენ სვიტმენი.
1937 წანაშ 29 პირელს, 41 წანერ უოლეს კაროზერსიქ, დეპრესიაშ გეშა, დუდი დიჸვილუ.
რესურსეფი ინტერნეტის
რედაქტირაფა- Wallace Hume Carothers (June 2016).
- Encyclopedia of World Biography on Wallace Hume Carothers
- Wallace Carothers:1928. DuPont Heritage website. კითხირიშ თარიღი: 16 February 2010.
- National Academy of Sciences Biographical Memoir