ურსინე ტექნოლოგიეფი
ურსინე ტექნოლოგიეფი — ოინფორმაციე ტექნოლოგიეფიშ აკაბუცხა კლასი. გჷმირინუაფჷ სიშორას ინფორმაციაშ გინაჩამალო ჟირ ვარ-და უმოს ჭურჭულს შქას, თინეფს შქას ბონი ურაჸალი რსხუშ მოთხუალაშ უმშო. ურსინე ინფორმაციაშ გინოჩამაქ შილებე იღოლუას ლაზერული ვარ-და ოპტიკური გოსინთაფაშ ვარ-და რადიოპოპორეფიშ მეშქაშალათ.
ასეშო რე ანდა ურსინე ტექნოლოგია, ნამუეფჷთ მახვარებუშო შხირას ჩინებული რე თინეფიშ საბაზარე ჯოხოთ, თინეფ შქას რე Wi-Fi, WiMAX, Bluetooth. ირი ტექნოლოგიას აპალჷ მუში გოხურგილი არღეფი, ნამუთ გჷნოჭყვადუნს თინეფიშ გჷმორინაფას ათე ვარ-და თი სფეროს.
კლასიფიკაციაშ მერინეფი
რედაქტირაფარე ურსინე ტექნოლოგიეფიშ კლასიფიკაციაშ შხვადოშხვა მერინეფი.
- საქვარუაშ სიშორაშ მეჯინათ:
- ურსინე პერსონალური რშვილეფი (WPAN — Wireless Personal Area Networks). სამანგათ — Bluetooth.
- ურსინე ლოკალური რშვილეფი (WLAN — Wireless Local Area Networks). მაგალთო — Wi-Fi.
- ნოღაშ მასშტაბიშ ურსინე რშვილეფი (WMAN — Wireless Metropolitan Area Networks). სამანგათ — WiMAX.
- ურსინე გლობალური რშვილეფი (WWAN — Wireless Wide Area Network). სამანგათ — CSD, GPRS, EDGE, EV-DO, HSPA.
- ტოპოლოგიაშ მეჯინათ:
- „ჭურჭული-ჭურჭული“
- „ჭურჭული-ბრელჭურჭული“
- გიმორინაფაშ სფეროშ მეჯინათ:
- კორპორატიული (წესური) ურსინე რშვილეფი — ქიმინჷნა კომპანიეფი მუნეფიშ დორხველი ოხვილურობეფშო.
- ოპერატორული ურსინე რშვილეფი — ქიმინჷნა ტელეკომუნიკაციაშ ოპერატორეფი მოინალობაშო.
ურსინე დო სინამი რშვილეფით ინფორმაციაშ გინოჩამაშ გინორთეფი
რედაქტირაფა| მახასიათებერი | სინამი | ურსინე |
|---|---|---|
| გინოჩამაშ აკანი | კაბელი (ოპტიკური, ლინჯიშ) | კაბელიშ ოხვილურობა ვა რე, მუნაჩამეფი გინიჩამუ ელექტრომაგნიტური პოპორეფით |
| აბონენტეფიშ მობილურობა | შილებე გოსოფანინ | ვაგასოფენა |