ურუგვაიშ პრეზიდენტი
ბჟაეიოლი რესპუბლიკა ურუგვაიშ პრეზიდენტი (ესპ. Presidente de la República Oriental del Uruguay) - სახენწჷფო ურუგვაიშ მადუდე. პრეზიდენტიშ ნებაგოქუნელობეფი გოთანჯილიე ურუგვაიშ კონსტიტუციას. პრეზიდენტი ხემანჯღვერენს პრეზიდენტიშ სამელამოსოს, მინისტრეფიშ სხუნუს დო სახენწჷფო დოგეგმარაფაშ დო ბიუჯეტიშ აპარატის, წჷმარინუანს ხეშუულებაშ ემაჸონაფალ ორგანოს. პრეზიდენტი ვარენ თი შვანეფს, თიშ ნებაგოქუნელობეფს ასრულენს ვიცე-პრეზიდენტი. თაშნეშე პრეზიდენტი ურუგვაიშ აკოანჯარაფილი ნძალეფიშ თარსარდალიე.
| ტაბარე ვასკესი ტაბარე რამონ ვასკეს როსასი | ||
 | ||
 41-ა ურუგვაიშ პრეზიდენტი | ||
|---|---|---|
| თეჟამიანი პოსტი | ||
| დეკინჷ | 1 მელახი 2015 | |
| ვიცე-პრეზიდენტი | როდოლფო ვინი | |
| წიმოხონი | ხოსე მუხიკა | |
| დუნაბადი | 17 ღურთუთა 1940 მონტევიდეო, ურუგვაი | |
| მენოღალობა | ურუგვაი | |
| ერუანობა | ურუგვაალი | |
| პოლიტიკური პარტია | სოციალისტური პარტია | |
| ალმასქუ | მარია აუხილიადორა დელგადო María Auxiliadora Delgado | |
| სქუალეფი | Ignacio (იგნასიო) Álvaro (ალვარო) Javier (ხავიერი) Fabián (ფაბიანი) | |
| რელიგია | კათოლიკე | |
| ხეშმოჭარუა |  | |
ურუგვაიშ ალახანური მაქიმინჯე კონსტიტუციაშ მეჯინათ, ქიანაშ პრეზიდენტი დო ვიცე-პრეზიდენტი ბონას დო საარძოთ გიშმეგორუაფუ. პრეზიდენტი გიშმეგორუაფუ 5 წანაშ ხანით, გიშაგორუეფს გეწ-გეწო კინე კათაფაშ ნებაშ უმუშო. ართ პოლიტიკური პარტია, გიშაგორუეფშო საპრეზიდენტოთ წჷმარინუანს ხვალე ართ კანდიდატის. თიმ შვანს, თუ ვართ ართ კანდიდატის ვაშაყარინ ხონარეფიშ აბსოლუტური უმენტაშობაქ-და (50.1%), გიშაგორუეფი იგჷნძარებუ თი ჟირ კანდიდატის შქას, ნამუთ გიშაგორუეფიშ მაართა ტურს არძაშე მეტი ხონარი ეჭოფუნ. თეჯგურა შვანს, გიშაგორუეფს გჷმორძგვილო გიშმურს თი კანდიდატი, ნამუთ ხონარეფიშ უმენტაშობას მიღენსჷნ.
ურუგვაიშ კონსტიტუციაშ 168-ო ბირგულიშ მეჯინათ, ქიანაშ პრეზიდენტიშ დო მინისტრეფიშ სხუნუს, გეჸვენჯი ნებაგოქუნელობეფი უღჷნა:
- ქიანაშ დინოხოლე დო გალე, წესრიგიშ დო უშქურანჯობაშ თხილუა.
- არძა აკოანჯარაფილი ნძალეფიშ ხემანჯღვერალა.
- არძა კანონიშ გჷმობჟინაფა, უციოთ ოსრულებელი სპეციალური წესეფიშ გჷშაშქუმალა.
- ურუგვაიშ პარლამენტიშ გეჸვენჯი სესიაშ გონწყჷმას ზიტყვათ გჷშულა.
- კანონპროექტიშ ვარდა კანონიშ ვამოწონებაშ ბორჯის, ვეტოშ გჷმორნაფაშ ნება.
- კანონპროექტიშ ვარდა მეღებულ კანონს, თირუეფიშ მიშაღალაშ ინიციატივაშ ნება.
- სახენწფო მანინალეეფიშ, დოკაფილ მოღალობაშე გოდუდიშულებაშ ნება, თუ სახენწჷფო მოღალეშე ხეშუულებას გლახათ გჷმორჷნაფაშ, ჩილათირი ქიმინჯუეფიშ დო უქიმინჯუობაშ ბორჯის.
- დიპლომატიური ურთართობეფიშ მართუა, კანონმადვალუ ორგანოწკჷმა აპიჯალა, ლჷმაშ გჷმოცხადაფაშ ნება.
- უციობაშ ბორჯის, საგანგებო მდგუმარეობაშ გჷმოცხადაფაშ ნება.
- სახენწჷფო ბიუჯეტიშ მოცაცუა.
- კანონმადვალუ ორგანოს, ოერეფშქაშე აპიჯალეფიშ დო მორაგადეფიშ რატიფიცირაფა.
ურუგვაიშ თეჟამიანი პრეზიდენტი რე - ტაბარე ვასკესი (2015 წანაშ 1 მელახიშე)