ფამკე იანსენი
ფამკე ბემერ იანსენი (ნიდერლ. Famke Beumer Janssen; დ. 5 გერგობათუთა 1964, ამსტელვენი, ნიდერლანდი) — ნიდერლანდარი არტისტი, რეჟისორი დო ფოტომოდელი.
| ფამკე იანსენი | |
 | |
| დაბადებაშ ჯოხო | ფამკე ბემერ იანსენი |
| დაბადებაშ აბანი | ამსტელვენი, ნიდერლანდი |
| დებადჷ | 5 გერგობათუთა, 1964 |
| საქვარუა | არტისტი რეჟისორი ფოტომოდელი |
| აკოქიმინჯალაშ წანეფი | 1992–ასეშა |
| ალმასქუ(ეფი) | ტოდ უილიამსი (1995–2000) |
1984 წანას ომოდელე კარიერაშ დაჭყაფალო ააშ-შა გინორთჷ ოხორინალო. ათე ბორჯის გურაფლენდჷ კოლუმბიაშ უნივერსიტეტის. გილეშჷ ჰაროლდ გასკინიშ ოარტისტე ხელუანებაშ კურსეფშა — ნასხუნათ თინაქ ლოს-ანჯელესშა გინორთჷ. თაქ თინა აგინძორენდჷ გურაფას დო გვალო მალას ჭიჭე როლი მიღჷ ტელეფილმის „მუმალეფი დო სქუალეფი“ (1992).
1992 წანას როლი მიღჷ ტელესერიალს „მურიცხული შარა: გეჸვენჯი გამნარყი“, უკული ილაჸაფჷ ტელესერიალს „მერლოუზ-პლეისი“. 1995 წანას ილაჸაფჷ ფილმის „ორქოშთოლი“, სოდეთ ბონდიშ მაჸალე ძღაბიშ როლი — ქსენია ონატოპიშ როლი არსულჷ.
მორო ათე წჷმოძინაქ ბოლოშა ვაგაცხადჷ თიში ოარტისტე შელებეფი. უკული ისხუნუ დუდიშულ პროექტეფს გინოღალა. 1990-იან წანეფს ფამკექ აკათჷ მუსხირენ ფილმის. წჷმოძინა მოუღჷ რსულებური როლქ ფილმის „იქს-ადამიაერეფი“ (2000). უკული აკათჷ სურათეფს, ნამუეფით მუთუნით ვარე უფრაში ჩინებულინ.
1995-2000 წანეფს იგურგინჷ სცენარისტი დო რეჟისორი ტოდ უილიამსწკჷმა.
ფილმოგრაფია
რედაქტირაფა| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1995 | ფ | ორქოშთოლი | GoldenEye | ქსენია ონათოფი |
| 2000 | ფ | იქს-ადამიერეფი | X-Men | ჯინ გრეი |
| 2003 | ფ | იქს-ადამიერეფი 2 | X-men 2 | ჯინ გრეი |
| 2006 | ფ | იქს-ადამიერეფი:ეკონია ლჷმა | X-Men: The Last Stand | ჯინ გრეი |
| 2014 | ფ | იქს-ადამიერეფი: მუმალი ულირი ბორჯიშ დღალეფი | X-Men: Days of Future Past | ჯინ გრეი |
რესურსეფი ინტერნეტის
რედაქტირაფა