ფედერალიზმი
ფედერალიზმი (ლათ. foedus — აპიჯალა, ხეკულუა) — სახენწჷფოშ მონწყუალაშ ფორმა, ნამუშ ბორჯის ქიანაშ ზოხოიან ნორთეფს გინოჩამილჷ აფჷნა ოძირაფე მუშითმართუალა.
ფედერალიზმიშ სააწმარენჯო ჩინება რე უნიტარიზმი.
უმოსი ფართე გაგებათ ფედერალიზმი შანენს მუდგაინ ართოიან სისტემაშ თიშნერო ორგანიზაფას, ნამჷ-და ათე სისტემაშ ზოხოიან ნორთეფს ოძირაფე დუდიშულა ასქიდჷნა.
ფედერაციული სახენწჷფო აკმოდირთჷ მუსხირენ სახენწჷფობური გჷნაჭყაფუშე, ნამუეფჷთ გორკვიაფილი პოლიტიკური დო ეკონომიკური მუშითმართუალათ რგებულენა. თინეფს უღჷნა დორხველი კონსტიტუცია, ოკანონმადვალე, ემაჸონაფალი დო სასამართალე ორგანოეფი დო შხვა სახენწჷფობური ატრიბუტეფი. მუნეფიშ აკოდგინალუას რინელ გჷნაჭყაფუეფს მიშინუანა მუჭოთ ფედერაციაშ ობიექტეფს. სამანგ. შტატეფი, დიხეფი, პროვინციეფი.
ფედერაციული ქიანეფი რე: ააშ, კანადა, გერმანია, ბელგია, მალაიზია, ინდოეთი, სუდანი დო თ.უ.