ფიზიკური ქიმია

ფიზიკური ქიმია — მენცარობა, ნამუთ ეთმენწყუნს ქიმიურ მოლინეფს დო ადგინენს თინეფიშ კანონზჷმიარაფეფს ფიზიკაშ პრინციპეფიშ დო ფიზიკური ექსპერიმენტული მეთოდეფიშ გჷმორინაფაშ ოსხირშა. ფიზიკური ქიმიაშ თარი დარგეფი რე ქიმიური თერმოდინამიკა, ქიმიური კინეტიკა, მონძღვარუა კატალიზიშ გეშა, კოლოიდური ქიმია, ფიზიკურ-ქიმიური ანალიზი, ელექტროქიმია, ფოტოქიმია, რადიაციული ქიმია, კრისტალეფქიმია დო შხვა. ტერმინი ფიზიკური ქიმია მიშეღჷ მიხეილ ლომონოსოვქ. კჷნე თიქ დადგინჷ ფიზიკური ქიმიაშ ართ-ართი თარი კანონი — მასაშ ირონუაშ კანონი. პირველ თერმოქიმიურ გოზჷმუეფქ იმანჯჷ XVIII ოშწანურაშ II ნორთის, თენეცი რდეს მიხეილ ლომონოსოვი, ჯოზეფ ბლეკი, ანტუან ლავუაზიე, პიერ სიმონ ლაპლასი. 1840 წანას, ჰერმან ჰესიქ მიოგორჷ რეაქციაშ სიტიბური ეფექტეფიშ ომანგეშ ირონუაშ კანონი. XIX ოშწანურას იმანჯჷ ფუნდამენტური თერმოქიმიური რკუალეფქ, ნამუეფიშ შედეგო ოსხირქ გაჭყ კი ჷ ფიზიკური ქიმიაშ ართ-ართ გიმენდარგის — თერმოქიმიას. დეივიშით წჷმოძინელო დოჭყაფილი ელექტროქიმიური რკუალეფი (1807) გათუ ელექტროლიზიშ კანონეფიშ მეგორაფათ. ფიზიკური ქიმია, მუჭოთ მენცარობეფიშ ზოხოიანი დარგი, გჷმოქიმინჷ XIX ოშწანურაშ დალიას. ფიზიკური ქიმიაშ პირველი კათედრაქ გჷმიქიმინჷ ლაიფციგის (1887) ვილჰელმ ოსტვალდიშ დუდალათ. თიმ წანას, ვილჰელმ ოსტვალდიქ ვანტ-ჰოფწკჷმა ართო ქჷდარსხუ პირველი ომენცარე ჟურნალი „ფიზიკური ქიმიაშ ჟურნალი“. საბოლათ დეფგინჷ დგომარაფაშ გინომანგაფაქ იდეალური აირეფიშო. ივითარებუდჷ ქიმიური თერმოდინამიკა. გჷთმიჭყაფუდჷ ელექტროლიზური დისოციაციაშ თეორია. გემშეღეს ელექტროდული პოტენციალიშ ჩინება.

ლიტერატურა

• ქორთული სხუნუეფიშ ენციკლოპედია, ტ. 10, ხს. 292-293, ქართი, 1986 წანა.

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.