ფინეთიშ ისტორიული პროვინციეფი

ფინეთიშ ისტორიული პროვინციეფი (ვარდა ისტორიული ოლქეფი) (ფინ. historialliset maakunnat, მხოლობათ რიცხუს historiallinen maakunta, შვედ. historiska landskap) — თი პერიოდიშ მონძალა, მუჟამსჷთ ფინეთი შვედეთიშ ნორთი რდჷნ. პროვინციეფი მუჭოთ ადმინისტრაციული ართულეფი, 1634 წანაშა არსებენდეს, მუჟამსჷთ თინეფქ დითირეს ახალი ადმინისტრაციული ართულეფით — ლენეფო (გუბერნიეფო, ლიანეფო) (თეხანური ფინეთიშ ადმინისტრაციული დორთუალა, მიშაღალირი რე 2010 წანაშ 1 ღურთუთას, ნამუშათ მიშმურს 19 პროვინცია, ვარდა ოლქი (ფინ. maakunta, შვედ. landskap), ნამუქჷთ ვაშგოჩირთან ოკო ისტორიულ პროვინციეფშა). მუჭოთ შვედეთის (ქძ. შვედეთიშ პროვინციეფი), თეშ ფინეთის ხოლო, ისტორიული პროვინციეფი დჷთმოსქიდჷნა ხვალე მუჭოთ ტრადიციული ტერიტორიული ართულეფი, დო მუთუნნერი ადმინისტრაციული ფუნქციეფი ვაუღჷნა.

ისტორიულ პროვინციეფიშ ერკებული

ფინეთიშ ისტორიული ოლეფი ქიანაშ თეხანურ ხურგეფს (თეხანურ პროვინციეფიშ ხურგეფი გიშართილი რე ჸვინთელი ფერით)

(ჯოხოდვალა რგვალ ბირცხეფს — მაართაშე ფინურო, უკული შვედურო).

• ალანდი (Ahvenanmaa, Åland)
• კარიალა (Karjala, Karelen)
• ლაპი (Lappi, Lappland)
• პოჰიამაა (Pohjanmaa, Österbotten)
• სავო (Savo, Savolax)
• სატაკუნტა (Satakunta, Satakunda)
• დორხველური ფინეთი (Varsinais-Suomi, Egentliga Finland)
• ჰიამე (Häme, Tavastland)
• უუსიმაა (Uusimaa, Nyland)

თაშნეშე ქოძირით

• შვედეთიშ პროვინციეფი

რესურსეფი ინტერნეტის

• ფინეთიშ პროვინციეფი „მოსოფლიშ შილეფს“.