ფლორა

ფლორა (გვიან. ლათ. flora < ლათ. flora – პიოლეფიშ დო აფუნიშ ოსურღორონთი) — გორკვიაფილ ტერიტორიაშ — ქიანაშ, ოროგრაფიულ ართურიშ, კოკიშ, კონტინენტიშ დო შხვეფიშ ისტორიულო გჷმოქიმინელ ჩანარეფიშ გვარობეფიშ ართობურობა.

ფლორა

ჯოხოდვალა ფლორას თარო თასამ დო გვიმარაშნერ ჩანარეფშო გჷმირინუანა. უდაბალაშ ჩანარეფიშ დო უმაღალაშ ჩანარეფიშ კანკალე ბუნაშ (ფუთქურეფი) ფლორა ომანგე ჯოხოდვალათ ეიშინუაფუ. სამანგათ: სპოროვან ჩანარეფიშ ფლორა, წყალჩანარეფიშ ფლორა ვარდა ალგოფლორა, ფუთქურეფიშ ფლორა, ვარდა ბრიოფლორა დო შხვა. თე თუ თი აკანიშ ფლორაშ დოგურაფაშ თარი არსი რე გვარობური დო ტიპობური აკოდგინალუაშ გიშარჩქინა. კანკალეშა ფლორას გოართოიანაფილი რე ბაქტერიულ ორგანიზმეფი.

ფლორა მუჭოთ ჩანარეფიშ ართობურობაშ ტერმინი მაართათ გჷმირინუ მიხალ ბოიმქ (1614-1659) ნოხანდის „Flora Sinensis“, ნამუთ გიშაშწვეს ნოღა ვენას, 1656 წანას. მაჟიაშა თეჯგურა შანულობათ ტერმინ გჷმირინუ შვედ ორთაშმორაგადექ კარლ ლინექ ნოხანდის „ლაპლანდიაშ ფლორა“. მოსოფელიშ ფლორაშ კომპენდიუმი აკადგინჷ დევიდ ფროდინქ.

გიშმერთუ ფლორაშ მუსხირენ ტიპიფიკაცია:

1. ალგოფლორა – წყაეჩანარეფიშ ფლორა;
2. ბრიოფლორა – ფუთქურეფიშ ფლორა;
3. დენდროფლორა – მერქანიანი ჩანარეფიშ ფლორა;
4. ლიქენოფლორა – ლიქენეფიშ ფლორა;
5. მიკოფლორა – სოკოეფიშ ფლორა;
6. მიქსოფლორა – მიქსომიცეტეფიშ ფლორა.

საქორთუოშ ჩანარეფიშ ორენი დიდარი დო მიარეფერუამი რე. ძალამ ხანგჷრძე დო საინტერესო რე საქორთუოშ ფლორაშ გოვითარაფაშ ისტორია. ძალამ დაღარი მუნაჩემეფი რე პალეოგენს საქორთუოშ აკანს არსებული იაფეტიდიშ დო ტეთისიშ შხვა კოკეფიშ ჩანარობაშ გეშა. ნასუმელ პერიოდის საქორთუოშ ფლორა ტროპიკულ ჩანარეფიშ სახეშ დო თარო იროწვანე რდჷ. კლიმატიშ არგილაფაწკჷმა ართო, ტროპიკულ ჩანარეფი დიო სუბტროპიკულით, უკულ - ზჷმიერ კლიმატურ ორტყაფუშო დჷმახასიათაფალ ფლორათ ითირუდჷ. საქორთუოშ ტერიტორიას ნაანთხაური გოჸინუას რგილი ქიანეფიშ ფლორაშ ზოხო წჷმმარინაფალეფიშ მიშაჭკირუაქ მოხვადჷ. რელიეფიშ დო ჩანარულ ოფორუეშ თირუა ბოლო ვითალ მილიონ წანაშ გოძვენას ძალამ რთულო მიშჷ. საქორთუოს მუთმოფხვადჷნა 4200-შე 4500-შახ უმაღალაშ ჩანარეფიშ გვარობა, ნამუეფშეთ 380 საორთუოშ ენდემი რე (9%). თაურეშე 600 (14,2%) გვარობა კავკაციაშ ენდემეფს ორხველჷ. ენდემეფქპიჯობურო შილებე გირთას ჟირ ბუნათ:

1. ლოკალური ენდემეფი;
2. ელაზჷმაფათ ფართოთ გოფაჩილი გვარობეფი.

საქორთუოშ ჭითა წინგშა მიშაღალირი რე ჩანარეფიშ 150-შე უმოსი გვარობა. საქორთუოშ ორთაშობურ ფლორაშ ინვენტარიზაცია ეჭარილი რე კაპიტალურ 8-ტომიან გიშაშქუმალას „საქორთუოშ ფლორა“ (1941-1952). საქორთუოს დოგურაფილი რე რაჭა-ლეჩხუმიშ, შონეშ, არაგვიშ ლეხერისშ, მესხეთიშ, თრიალეთიშ, კახეთიშ, აჭარაშ, აფხაზეთიშ ფლორა, თინეფიშ სისტემატიკური სტრუქტურა, ბოტანიკურ-გეოგრაფიული მუშობურობეფი; ჩეტრაჷ ფლორაშ ანალიზიქ.

გალერეა

• 
• 
• 
• 

თაშნეშე ქოძირით

• ბოტანიკა
• ეკოლოგია
• ფაუნა

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ფლორა“ ვიკიოწკარუეს.
• ფლორა – დიდი სხუნუეფიშ ენციკლოპედია Archived 2013-02-16 ვებ-ხასჷლას Wayback Machine.

1. კოროცხუაფონი ერკებულიშ ელემენტი

{{ქიანაშ მუნაჩემეფი {{{1}}} | country flaglink2 | variant = | size = | name = | altlink = მორაგბეეფიშ ერუანული ნაკორობა | altvar = rugby }}

• ფლორაშ გეშა Archived 2005-11-05 ვებ-ხასჷლას Wayback Machine. (ინგლისური)
• ევროპაშ ფლორა Archived 2013-05-29 ვებ-ხასჷლას Wayback Machine. (ინგლისური)
• ავსტრალიაშ ფლორა (ინგლისური)

ლიტერატურა

• რ. გაგნიძე, ქორთული სხუნუეფიშ ენციკლოპედია, ტ. 10, ხს. 345, ქართი, 1986 წანა.
• Гроссгейм А. А., Анализ флоры Кавказа, Баку, 1936;
• Говорухин В. С., География растений с основами ботаники, 2 изд., М., 1961.