ფრიდრიხ ვილჰელმ არგელანდერი

ფრიდრიხ ვილჰელმ ავგუსტ არგელანდერი (გერმ. Friedrich Wilhelm August Argelander; დ. 22 მელახი, 1799, მემელი, პრუსია — ღ. 17 ფურთუთა, 1875, ბონი, გერმანიაშ იმპერია) — გერმანალი ასტრონომი.

ფრიდრიხ ვილჰელმ არგელანდერი
გერმ. Friedrich Wilhelm Argelander
დაბადებაშ თარიღი:

22 მელახი, 1799

დაბადებაშ აბანი:

მემელი, პრუსია

ღურაშ თარიღი:

ფურთუთა 17, 1875 (75 წანერი)

ღურაშ აბანი:

ბონი, გერმანიაშ იმპერია

მენოღალობა:

პრუსიაშ ომაფე

ომენცარე სფერო:

ასტრონომია

სამუშაშ აბანი :

ბონიშ უნივერსიტეტი

ალმა-მატერი:

კენიგსბერგიშ უნივერსიტეტი

ომენცარე ხემანჯღვერი:

ფრიდრიხ ვილჰელმ ბესელი

ჯილდოეფი დო პრემიეფი:

ასტრონომიაშ ომაფე ჯარალუაშ ორქოშ მენდალი (1863)
ამერიკაშ ხელუანობეფიშ დო მენცარობეფიშ აკადემიაშ საპატიო ურცხოალი მაკათური (1855)
მენცარობეფიშ ერუანული აკადემიაშ მაკათური (1864)

დებადჷ ნოღა მემელს (ასეიან კლაიპედა). გურაფულენდჷ კენიგსბერგიშ უნივერსიტეტის, სოდეთ 1822 წანას თხილუ ოდოქტორე დისერტაცია. 1823-1837 წანეფს არგელანდერი რდჷ დიო ტურკუშ დო უკულ ჰელსინკიშ ობსერვატორიაშ დირექტორი. უკულიან წანეფს არგელანდერი მუშენდჷ ბონიშ უნივერსიტეტის, სოდეთ დარსხუ ობსერვატორია.

ფრიდრიხ არგელანდერიქ მიშეღჷ დიდი კონტრიბუცია მურიცხეფიშ პოზიციეფიშ დო სიდიდაშ ზიმუაშ ეფექტური მეთოდეფიშ დორსხუაფაშა. თიქ ზიმუ მურიცხეფიშა სიშორა ჰელიომეტრიშ გიმორინაფათ. არგელანდერი რდჷ ართ-ართი მაართა ასტრონომიქ, ნამუქჷთ დიჭყჷ მათირუ მურიცხეფიშ რკვიება.

არგელანდერიქ, ადალბერტ კრუგერი დო ედუარდ შენფელდიწკჷმა ართო, 1859-1862 წანეფს აკადგინჷ მურიცხეფიშ კატალოგი "Durchmusterung", სოდეთ ეჭარილი რე 324,000 მურიცხიშ პოზიციეფი დო ბარჩხალი.

არგელანდერი რდჷ გერმანიაშ ასტრონომიული ჯარალუაშ ართ-ართი დუმარსხუაფალი. არგელანდერიშ ჯოხონობაშ რე ართ-ართი კრატერი თუთას დო ართი ასტეროიდი.

რესურსეფი ინტერნეტის რედაქტირაფა