ქართიშ ბოტანიკური ბაღი, ჸოფილი ომაფე ბაღი, ოფიციალურო: საქორთუოშ ომაფე ბოტანიკური ბაღი — ისტორიული ბაღი ქართის, სოლოლაკიშ ქჷნდჷრიშ ობჟათეშე, წყარმალუ წავკისისწყალიშ (ლეღვთახევიშ) ლეხერს. რუსეთიშით საქორთუოშ მერსხუაფაშ უკული, ბაღიქ სახენწჷფო დორხველუათ გჷნირთჷ. 1845 წანას, თის ბოტანიკური ბაღიქ გიადჷ ჯოხოთ.

ბოტანიკური ბაღი ნარიყალაშე.

1896-1904 წანეფს, ბაღიქ ბჟადალშე გიფართჷ. 1932-58 წანეფს, ბაღიშ ტერიტორიას მიაძინჷ ჸოფილი მუსლიმური საფულაშ ტერიტორიაქ წავკისისწყალიშ მარძგვანი წყარპიჯის დო თაბორიშ გვალაშ ოორუე-ბჟაეიოლ ლაკადას. ბაღის ასქილადირ საფულეფს შქას აზერბაიჯანალ ჭარუშ მირზა ფათალი ახუნდოვიშ (1812-1878) საფულა რე.

ბოტანიკურ ბაღის წჷმორინაფილი რე საქორთუოშ დო მოსოფელიშ შხვადოშხვა რეგიონეფიშ ფლორაშ დიდარი კოლექციეფი. ბაღიშ ფარგალეფს, წავკისისწყალს, მუსხირენი ხინჯი რე გოდვალირი. თინეფს შქას გიშეგორუაფუ 1914 წანას აკოგაფილი თაღუამი ხინჯი წყარგელაფუშ დუდს. თაშნეშე იჩუალუ საქორთუოშ დო კავკაციაშ უნიკალურ ჩანარეფიშ ნოკვეთეფი, ტროპიკული ორანჟერეა დო ჭითა წინგიშა მიშაღალირი ჩანარეფი. ბოტანიკური ბაღიშ ფართობი რე 128 000 ჰექტარი.[1]

ბაღიშ თარი მინალი ბოტანიკური შოშეშ ბოლოს რე, ნარიყალაშ ჯინჯის. 1909-14 წანეფს სოლოლაკიშ ქჷნდჷრს გიშეჭკირჷ სორილქ დო იკეთჷ მაჟირა მინაულარქ ლ. ასათიანიშ შოშეშე.

ლიტერატურარედაქტირაფა

  • „საქართველოს ძველი ქალაქები: თბილისი“, 2006 წ. მეორე გამოცემა. ISBN 99940-0-923-0

რესურსეფი ინტერნეტისრედაქტირაფა

ვიკიოწკარუეს? რე ხასჷლა თემაშენ:

სქოლიორედაქტირაფა