ქობალიშ ჯა

ქობალიშ ჯა, ართჸუდეამი ჯალეფი ჯაპიშობურეფიშ ფანიაშე, Artocarpus-იშ გვარიშ. ქობალიშ ჯაშ 50-შახ გვარობა გოფაჩილი რე ობჟათე-ბჟაეიოლ აზიას, ოკიანიას, ობჟათე ამერიკას დო კანკალე შხვა ტროპიკულ რაიონს. გიშაკერზაფილი შანულობა უღუ რჩქვანელობურ ქობალიშ ჯას დო ინდურ ქობალიშ ჯას. რჩქვანელობური ქობალიშ ჯა (Artocarpus altilis ანუ Artocarpus communis, Artocarpus incisa) დიდი ხანი რე კულტივირაფილი რე რჩქალი ოკიანეშ კოკეფს. თიში სიმაღალა რე 35 მ, დიამეტრი 1 მ ანჭუ. ფურცელეფი თოთიშობური ნოკვათურა რე, გჷმნაღელიშ მასა 3 - 4 კგ. იკათუანს უთასე ფორმეფს. ინდური ქობალიშ ჯა (Artocarpus integer ანუ Artocarpus integrifolia, Artocarpus heterophyllus) სიმაღალა 15 მ-ს ანჭუ დო 30-40 კილოგრამს იწონუ. ნთელუანი ფურცელეფი უღუ. 30 კგ-იან გუმნაღელს ბონას ღერს გუნმუღუ (კაულიფლორია). ქობალიშ ჯაშ გუმნაღელი იკათუანს ცაცლაბის, შანქარეფს დო ცჷმუეფს. იჭკომუ მოხაშილო დო მოჭვილო. კულტივირაფილი რე ჟირხოლო გვერდოსფეროშ ტროპიკეფს, სოდე აბანური მახორობაშ შანულამი ოჭკომალი რე. მარქვას გიმირინუანა ხაბაკიშ დო მუსიკალური ინსტრუმენტეფიშ ოკეთებელო დო ოღაფალო. ფურცელეფი დო პიორი გჷმირინუაფუ ოკურნალეთ.

ლიტერატურა

• ქსე, ტ. 8, გვ. 233, თბ., 1984