ქოთომი

ქოთომი — ქოთომიშნერეფიშ რანწკიშ ჸუდეშ ფურინჯი. მოურს ტყარი ბანკივური ქოთომშე. ოფუტე-ომეურნეობე ფურინჯეფს შქას ყუდეშ ქოთომი არძოშე გოფაჩილი რე. ქოთომს ამიარენა ხორციშო დო მარქვალშო, თეშ მოხ გჷმირინუანა ბურდღას დო გერმას. თარი პროდუქციაშ მეჯინათ ქოთომიშ ჯიშეფი ირთუ მემარქვალეთ, მემარქვალე-სახორცეთ, სახორცე-მემარქვალეთ დო სახორცეთ. თე გეჸვენჯოფეფიშ ჯიშეფს კონსტიტუციური დო ექსტერიერული მუშობურობეფი უღჷნა.

მეხოლაფირო 4 დღერი წიწილა

• მემარქვალიე ქოთომო მორჩილი რე, მალას ირდუ.
• სახორცე-მემარქვალე ქოთომი უმოსი დიდი რე, ჯგირო აფჷ გოვითარაფილი კუნთეფი.

მემარქვალე ქოთომს გოვითარაფილი აფჷ ფურჩელიშობური თიკი, ნამუთ მაჟირა-მასუმა კიბირაშ უკული ელახ აფჷ გჷნოზირილი, ნინძგი ონდეთ მოღულე უღჷ.

ჸუდეშ ქოთომეფიშ ნინძგიშ ფერი მეხოლაფირო ართნერი რე, ბურდღაში - შხვადოშხვა.

• მემარქვალე ჯიშიშ დადული ქოთომიშ ქონა რე 1,8-2,2 კგ, მუმულიშ - 2,7-3,0 კგ;
• მემარქვალე-მეხორცეშ (გეჸვეჯიშობურო) 2,2-2,8 დო 3,2-3,8 კგ;
• სახორცე-მემარქვალეშ - 2,5-3,0 დო 3,5-4,0 კგ;
• სახორცეშ - 3,0-3,5 დო 3,5-4,5.

ქოთომი რეპროდუქციაშო 5-6 თუთას ირდუ. მემარქვალე ჯიშეფიშ მარქვალისქუალა წანმოწანას 200-220 მარქვალი რე, სარეკორდო 365. ქოთომიშ მარქვალიშ ოშქაშე მასა 55-65 გრამი. ქოთომიშ მარქვალიშსქუალა დოხოლაფირო 10 წანაშახ იგჷნძორებუ.

ლიტერატურა

• ანთაძე ნ., ქსე, ტ. 10, გვ. 443, თბ., 1986

თაშნეშე ქოძირით

• მემაფურინჯობა

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.

ვიკიოწკარუეს^? რე ხასჷლა თემაშენ:

ქოთომი