ქორგამეფი

ქორგამეფი (ლათ. Umbelliferae) — ჟირლებერამი ჩანარეფიშ ფანია. ართ- ვარდა მიარეწანიანი ოდიარეეფი რე, ოშა-გოშათ — ბართვეფი დო დაბალი ჯალეფი. მორანწკეობათ დვალირი ნაკვათური დო, ოშა-გოშათ, გვალოიანი ფურცელეფი უღუ. ყერწიშ ჯინჯი ხართათ რე გინორთელი. პიოლეფი აქტინომორფული რე, უმოს ოშა-გოშათ — ზიგმორფული, ჟირსქესამი; აკოშაყარელი რე ლექინ ვარდა რთულ ქორგეფო, კანკალეშა — დუდელეშ მოგვენი პიოლეფო. რთული ქორგაშ ჯინჯის შხირას გოვითარაფილი რე მუსხირენ ფურცელშე აკოდგინელი ართოიანი ქუნი.

გუმნაღელი ნაჟირალი თასურია რე. ირ თასურიაშ გაგაჩის 5 ნაძგალი დო თინეფს შქას ღარეფი უღუ. ღარეფი ეშაფშაფილი რე ეთერამი ზეთეფით დო ოდაღამბათ.

ფანიას 280-შე უმოსი გვარიშ 3000-შახ გვარობა რე; საქორთუოს აბხვადჷნა 73 გვარიშ 179 გვარობა. თე ფანიაშ კანკალე წჷმმარინაფალი ოჭკომალ ნიფთიარობეფს ძირხვეფს შაყარანს (სტამფილო). ქორგაშობურეფიშ კანკალე გვარობა ძალამ ლაბანამი რე (კონიო, ციკუტა დო შხვა).

ლიტერატურა

• ქორთული სხუნუეფიშ ენციკლოპედია, ტ. 10, ხს. 546, ქართი, 1986 წანა.