ქორთული ვიკიპედია
ქორთული ვიკიპედია — ვიკიპედიაშ ქორთულნინამი ნორთი, ნამუსჷთ, თეში მუჭოთ ვიკიპედიაშ შხვა ნორთეფს, ამერიკული ფონდი „ვიკიმედია“ მართუნს. დირსხჷ 2003 წანაშ გერგობათუთას. 2006 წანაშ 11 მარაშინათუთას სტატიეფიშ მუდანობაქ 10 000-ს გინაჩირთჷ. 2008 წანაშ მარაშინათუთაშ მუნაჩამეფით, თის 23 000-შე უმოსი სტატია რდჷ. 2009 წანაშ მესის სტატიეფიშ მუდანობაქ 30 000–ს გინაჩირთჷ. 2011 წანაშ 7 კვირკვეს, ქორთულ ვიკიპედიას სტატიეფიშ მუდანობაქ 50 000-ს მიოჭირინუ; 2013 წანაშ ღურთუთას — 70 000-ს. 2015 წანაშ 13 გჷმათუთას, ქორთულნინამი ვიკიპედიაშ სტატიეფიშ მუდანობაქ 100 000-ს მიოჭირინუ. ქორთული ვიკიპედიაშ სიტომბა 35 რე, მუთ ძალამი ჯგირი რე. 2017 წანაშ 18 მარაშინათუთაშ მუნაჩემეფით, სტატიეფიშ მუდანობა 127 183 რდჷ.
 Georgian wikipedia ქორთული ვიკიპედია | |
|---|---|
 | |
| მიოწურაფუ: | ka.wikipedia.org |
| კომერციული: | ვარი |
| საიტიშ ტიპი: | რშვილური ენციკლოპედია |
| რეგისტრაცია: | ვა რე უციო |
| ნინა: | ქორთული |
| მინჯე: | ფონდი ვიკიმედია |
| მუშობაშ დოჭყაფა: | 2003 წანაშ გერგობათუთა |
| სტატიეფიშ მუდანობა: | 177,036 |
| ხასჷლეფიშ მუდანობა: | 492,836 |
| რედაქტირაფეფიშ მუდანობა: | 4,719,826 |
| რეგისტრირაფილი მახვარებუ: | 165,541 |
| აქტიური მახვარებუ: | 264 |
| ადმინისტრატორი: | 6 |
| სიტომბა: | 30.5 |
ქორთულნინამი ნორთი, თეში, მუჭოთ ვიკიპედიაშ შხვა ნორთეფი, მუშენს მუსხირენ ოშული სერვერიშე აკონწყილი სერვერული კლასტერიშე, ნამუეფით საქორთუოს ვაძჷ. გეძინელო ძირით meta:Hardware.
პროგრამული უნარღელჸოფაშო გიმირინუაფჷ MediaWiki ქვარქვანტი. ვერსიაშ დო გჷმორინაფაშ გეშა ინფორმაცია ძირით ათაქი.