ღაჭაჭია,[1] ჩხოროკუჩხამეფი, კუნტაკუდელამი კიბოიეფი (ლათ. Brachyura) — უგაგაჩეშ ინფრარანწკი ვითკუჩხამი კიბოიეფიშ რანწკიშე. ზჷმეფი მუსხირენი მილიმეტრიშე 3 მ-შახ. უღჷნა ჭიჭე დუდი, ფართო დუდკიდირი, კუნტა ქვარა. ხენა ზუღეფს, ლიგე წყარინოხვენეფს დო სქირონას. არძა ღაჭაჭია, ლიგე წყარიშ ფორმეფიშ მოხ, იმიარებუ ზუღას. კიბოიეფიშ გოვითარაფა მეტამორფოზით ხვადუ. უღჷნა ავტოტოომიაშ უნარი. ჭკომჷნა უმენტაშო უგაგაჩეეფს. თინეფშე ანდა იჭკომენფერი დო ხერეჭუაშ ობიექტი რე. კანკალე ღაჭაჭია მუთმოჯალაგანს ოხერეჭე მოლუსკეფს, ვარ-და გავალს მეთმიორინუანს ჩხომოჭოფალ ბადეფს დო კაშხალეფს. ჩინებული რე თინეფიშ 4 000-შე უმოსი გვარობა.
ნერია ღაჭაჭია. ჯგირო იძირებე ჭვალიკეფიშ ზჷმეფიშ გინორთი
.jpg)
