შრი-ლანკა
შრი–ლანკა, (ედომუშამი ჯოხოდვალა შრი–ლანკაშ დემოკრატიული სოცილისტური რესპუბლიკა) — სახენწჷფო ობჟათე აზიას, მილარე კოკი შრი–ლანკას, ინდოსტანიშ ობჟათე–ბჟაეიოლშე. 1972 წანაშახ თე ქიანა ჩინებული რდჷ მუჭოთ – ცეილონი.
შრი–ლანკაშ დემოკრატიული სოცილისტური რესპუბლიკა | |
---|---|
![]() |
![]() |
![]() | |
ნანანოღა | შრი-ჯაიავარდენეპურა-კოტე
(ოფიციალური); კოლომბო (დე–ფაქტო) |
უდიდაში ნოღა | კოლომბო |
ოფიციალური ნინეფი | სინჰალური დო ტამილური |
თარობა | ოპრეზიდენტე რესპუბლიკა |
პრეზიდენტი | მახინდა რაჯაპაქსე |
პრ.მინისტრი | დისანაიაკა ჯაიარატნე |
ფართობი | 65 610 კმ²(119-ა) |
მახორობა | 20 238 000 (53-ა) |
ვალუტა | ლანკური რუპია |
ბორჯიში ორტყაფუ | UTC+5:30 |
ქიანაშ კოდი | LK |
ოინტერნეტე კოდი | .lk |
ოტელეფონე კოდი | +94 |
ეჭარუა რედაქტირაფა
- ოფიციალური ნანანოღა: შრი-ჯაიავარდენეპურა-კოტე (უჟინაში სასამარათლოშ დო პარლამენტიშ ორენი).
- ფაქტიური ნანანოღა: კოლომბო (თარობაშ, პრეზიდენტიშ რეზიდენციაშ ორენი). კოკის ობჟათე დო ბჟადალი კოდეფი უღუ: დონდრა დო დატჩ–ბეი.
გეოგრაფია რედაქტირაფა
კოკი შრი–ლანკა ობჟათე აზიას მილარე, ინდოსტანიშ ობჟათე ჩქონიშ ონდეთ ბჟაეიოლშე ომძღჷ ინდოეთიშ ოკიანე დო ბენგალიშ ჸუჯი. ინდოსტანშე გჷშართილი რე მანარიშ ჸუჯით დო პოლკიშ საროტით. თაშ ჯოხოდვალირი ადამიშ ხინჯიქ — პოლკიშ საროტის გეგნორჩხჷ — ართ ბორჯის შრი–ლანკაშ მატერიკშა მიმარსხუაფალი დიხაშ ნორთი, მარა ხენაჭარეფიშ მუნაჩამუეფით თე დიხაშ ნორთი აკოპანჯჷ დოხოლაფირო 1481 წანაშ დიხაშ ნწალუაქ.
რელიეფი რედაქტირაფა
ტერიტორიაშ უმენტაში ნორთი უკინებუ წყარპიჯ რზენეფს. გვალეფი, ქიანაშ ცენტრალურ ნორთის მილარე; არძაშე უმაღალაში კონკა რე — გვალა პინდურუტალაგალა (2524 მ), მაჟია ჩინებული კონკა რე — შრი პადა (ჩინებული რე ხოლო მუჭოთ ადამიშ კონკა).
კლიმატი რედაქტირაფა
სუბეკვატორული მუსონური: ოორუე–ბჟაეიოლური მუსონი იგჷნძორებუ გჷმათუთაშე მელახშა, ობჟათე–ბჟადალური მუსონი — ივანობაშე გჷმათუთაშა.
დინოხოლენი წყარეფი რედაქტირაფა
რზენეფიშ წყარმალუეფი კუნტა რე. გვალაშ წყარმალუეფს დიდ ჰიდროენერგოშილებუა უღუნა. წყარმალუეფიშ უმენტაშობას წყარი – ტიბუ რე. ქიანაშ უდიდაშ წყარმალუეფი რე - მახაველი–განგა, კელანი, კალუ, არუვი–არუ.
მახორობა რედაქტირაფა
მახორობაშ მუდანობა — 21,3 მლნ კოჩი (2009 წანაშ კვირკვეშ მუნაჩემეფით).
წანმოწანური ძინა — 0,9 %.
დაბადება — 16,2 1000–შე (ფერტილურჷოფა — 1,99 დაბადება ართ ოსურშე);
ღურალა — 6,1 1000–შე;
ემიგრაცია — 1,1 1000–შე;
ჩქჷჩქჷუეფიშ ღურალა — 18,5 1000–შე;
თელარაშ ოშქაშე სიგჷნძა — 73 წანა კოჩეფწკჷმა, 77 წანა ოსურეფწჷკუმა.
სინგალეფი დოხოლაფირო ნთელ მახორობაშ 75% რე, ტამილეფი — დოხოლაფირო მახორობაშ 18% რე, უმენტაშო ქიანაშ ოორუე დო ბჟაეიოლ რაიონეფს. თაქ ხოლო ოხორანა ლანელი მავრეფი (ლარაკალა - არაბეფიშ გამნარყეფი) — დოხოლაფირო მახორობაშ 7% რე, ბიურგერეფი (ევროპალწკჷმა კათაფილი ფანიაშ გამნარყეფი) — დოხოლაფირო მახორობაშ 0,3% რე, ვედეფი (კოკიშ უჯვეშაში მახორუეფიშ გამნარყეფი) — დოხოლაფირო 1000 კოჩი.
მახორობაშ დოხოლაფირო 70 % (უმენტაშო, სინგალეფი) ბუდისტი რე, 15 % რე — ინდუზმიშ (თამილეფი), 8 % რე — ქირსიანობაშ, 7 % რე — ისლამიშ (ლანელი მავრეფი).
ჭარუა–კითხირიშ რჩქინაშ დონე — 92 % ქომოლკოჩეფწკჷმა, 89 % ოსურკოჩეფწკჷმა (2001 წანაშ მუნაჩემეფით).
გალერეა რედაქტირაფა
რესურსეფი ინტერნეტის რედაქტირაფა
- შრი–ლანკაშ თარობაშ ოფიციალური ვებ–ხასჷლა
- შრი–ლანკაშ პარლამენტიშ ოფიციალური ვებ–ხასჷლა
- შრი–ლანკაშ თარობაშ ახალ ამბეფიშ ოფიციალური ვებ–ხასჷლა
- შრი–ლანკაშ პრეზიდენტიშ ოფიციალური ვებ–ხასჷლა
- შრი–ლანკაშ უჟინაშ სასამართლოშ ოფიციალური ვებ–ხასჷლა
- შრი–ლანკაშ სტატისტიკაშ ოფიციალური ვებ–ხასჷლა
- Annual Report 2010 შრი–ლანკაშ ფინანსეფიშ ომინისტრე
- Sri Lanka ბრიტანიკაშ ენციკლოპედია
- Introducing Sri Lanka შრი–ლანკაშ რუკა Lonely Planet–იშ მუნაჩემეფით
- Mahavamsa 6–ა ოშწანურაშ ჯვეშ შრი–ლანკაშ ქრონიკეფიშ ხეჭარუეფი
- შრი–ლანკაშ რუკა Google Maps–ის