შუმეიკერი–ლევი 9კომეტა, ნამუსჷთ 1993 წანას მიოგორეს ასტრონომეფქ იუჯინ შუმეიკერიქ, თიში ალმასქუ კეროლინ შუმეიკერიქ დო დევიდ ლევიქ.

21 ფრაგმენტო აკოხარცქილი კომეტა შუმეიკერი–ლევი 9, პლანეტა დიაწკჷმა რაგვინშახ. (ჰაბლიშ კოსმოსური ტელესკოპიშ ფოტო, 1994 წანაშ 17 მელახი)

ჸათე კომეტა პლანეტა დიას მუკი-მუკი გართანდჷ. მუჟამს კომეტაქ დიაშ როშეშ რადიუსიშა გემშართუნჷ, თიქ დიაშ გრავიტაციული ნძალაშ გეშა, ფრაგმენტეფო აკოხორცქუ. კომეტაშ ჸათე ფრაგმენტეფქ ქარაგჷ დიაშ ობჟათე გვერდოსფეროს, 1994 წანაშ 16-22 კვირკვეშ პერიოდეფს, დოხოლაფირო 216,000 კმ/სთ სიჩქარათ.

კომეტაქ იძირჷ 1993 წანაშ 24 მელახის, შმიდტიშ ტელესკოპიშ გიმორინაფათ, პალომარიშ ობსერვატორიაშე. შუმეიკერი–ლევი 9 რდჷ მაართა აქტიური კომეტა, ნამუთ პლანეტას გართანდჷ. მენცარეფიშ აზრით კომეტა დიაშ გრავიტაციაქ ოჭოფუ დოხოლაფირო 20-30 წანაშ წოხოლე.

კომეტას დიდი შანულობა უღუდჷ ასტრონომიაშო, მუშენდა თინა რდჷ მაართა ასტრონომიული ობიექტი ნამუქჷთ შხვა, მაჟირა ასტრონომიული ობიექტის არაგუნჷ დო ჸათე პროცესი მენცარეფქ დაფიქსირესინჷ.

რესურსეფი ინტერნეტისრედაქტირაფა

ვიკიოწკარუეს? რე ხასჷლა თემაშენ: