ჩინი (ტობა)

ტობა ჩინი Tasik Chini — ტობა მალაიზიას, წყარმალუ პაჰანგიშ გოხოლუას, პაჰანგიშ შტატიშ ცენტრალური ნორთის. ტობაშ ოძგალეეფი დოხორინელიე ორანგ ასლიშ გუმნარჸაშ ჯაკუნიშ ტომეფით.

ტობა ჩინი

5 026 ჰექატარი ფართობიშ ჩინიშ ტობა წჷმმარინუანც სიდიდათ მაჟირა ლიგე ტობას მალაიზიას, ნამუთ 12 ტობაშ აკმოდირთუ. წყარმალუ ჩინი ნამუთ ტობაშე გჷმმურცუნ, დინმურც წყარმალუ პაჰანგიშა. წყარმალუ გოხურგელიე ჯებერეფით ტობაშ გეჸეშ შიონარჩუნაფალო სქირუ სეზონიშ განწხანს. მორო, წყარიშ გეჸეშ ეკჷნაქ, ტობაშ ორთაშობური ეკოლოგიაშ დო მუში ძგალეფც ჯალეფიშ სპუალა გაგშეჭანუ.

ფლორა დო ფაუნა

ტობა ღჷმალიერიე ბიომიარეფერამი ტროპიკული ლჷხჷმი მაფალუეფით, ნამუთ ფლორაშ 138 სახიობათ, ტობწკჷმა მახორუ 300 სახიობაშ შურდგუმილეფით დო 144 სახიობაშ ლიგე წყარიშ ჩხომეფითიე წჷმორინაფილი. არგუსოს დო ეკენიას ტობა გჷნმიქიმინუ მოფაფუე ბაღო, ნამუშ ჯიპიჯით ანთასობათ ჩე დო ვარდიშფერი ლოტოსიშ პეულეფითიე დოფორილი.

ლეგენდეფი

ტობაშა მერსხილიე მიარე მითეფი დო ლეგენდეფი, ნამუეფუთ ამდღარშახ ეშუნწყუმუ მუორეთ სქიდუნა. ორანგ ასლიშ ლეგენდაშ ალაფათ, ტობა ოხორანც დრაკონი ნამუსუთ ჯოხო ნაგა სერი გუმუმი (თაშნეშე ჯოხო „მალაიზიაშ ლოხ-ნესიშ ურჩხული“). წანა, ნამდა ტობაშ ქვინჯის ენონწყვილი რე უჯვეშაში ნოღა ხმერი

გალერეა

• 
  საინფორმაციო ბორდი
• 
  ტურისტული ბორდი ტობა ჩინიწკჷმა
• 
  წყარმალუ ჩინი

რესურსეფი ინტერნეტის

• Sri Gumum Archived 2012-02-07 ვებ-ხასჷლას Wayback Machine. ინფორმაცია (ისტორია, ლეგენდეფი სლაიდ შოუეფი), ტობაშე დო აბანობური კათაშ გეშა.