ასტრონომიული ობიექტი ვარდა ცაშური რსხული — ორთშობური ფიზიკური რსხული, ასოციაცია ვარდა სტრუქტურა, ნამუსჷთ თეხანური მენცარობა გჷთმოთანჯუნს მუჭოთ დოკვირაფონი ოქიანუს მადვალს.[1] ტერმინი, „ასტრონომიული ობიექტი“ — შხირას ტერმინი „რსხულწკჷმა“ ართო გჷმირინუაფუ. მუჭოთ წესი, „ცაშური რსხული“ — აკოშაყარელ, გოართოიანაფილ, გრავიტაციათ მერსხილჷ სტრუქტურას წჷმარინუანს (კანკალეშა ელექტრომაგნეტიზმით რე მერსხილი). სამანგათ: ასტეროიდეფი, ალმაშარეეფი, პლანეტეფი დო მურიცხეფი. „ასტრონომიული ობიექტი“ — მუსხირენ რსხულშე აკოქიმინელი სტრუქტურას, ნამუთ ართიანწკჷმა მერსხილი რენა გრავიტაციულო, დო ნამუთ წჷმორინაფილი რენა მურიცხეფიშ შაყარუეფით, ნირსილეფით დო გალაქტიკეფით. საინტერესო რე, ნამჷდა კომეტა — შილებე იჭარას მუჭოთ რსხული, მუში ლირეშ ალაზმაფათ, ნამუთ აკმოდირთუ ჸინშე დო ტვერშე, დო მუჭოთ ობიექტი, მუში ლირეშ ალაზმაფათ, ნამუთ იკათუანს კუდელს დო ნაცხაცხალს.
|
|
| ასტრონომიული ობიექტეფიშ აკოშაყარუა
|
- ↑ Task Group on Astronomical Designations from IAU Commission 5 (April 2008). Naming Astronomical Objects. International Astronomical Union (IAU). დოარქივაფილი რე ორიგინალშე 2 August 2010-ს. კითხირიშ თარიღი: 4 July 2010.
