ცოტნე დადიანიშ დარბაზი

ცოტნე დადიანიშ დარბაზი — ერუანულ-ჯარალუობური ორგანიზაცია, დირსხუ 2011 წანაშ 12 მარაშინათუთას, წიმინდე ცოტნე დადიანიშ შინაშ დღას, ზუგდიდიშ დო ცაიშიშ მიტროპოლიტ გერასიმეშ ხვამა-კურთხუათ. ცოტნე დადიანიშ დარბაზიქ ოზეიმეთ ზუგდიდიშ ვლაქერნიშ ხატიშ ჯოხონობაშ ოხვამეს ეკურთხჷ.

დარბაზალეფი

ორგანიზაციაშ მაკათურეფი მეუფე გერასიმეწკჷმა

დარბაზიშ უმაღალაში სხუნუ სიმბოლურო 12 მაკათურშე აკმოდირთუ, ოართე კორობუაშა კათინი საქორთუოშ ნამუდგარდია მენოღალეს შეულებუ. ცოტნე დადიანიშ დარბაზიშ თეჟამიანი დუდმახვენჯი რე კონსტანტინე კაკავა.

ორგანიზაციაშ თარი ღანკი რე ცოტნე დადიანიშული ღირებეფიშ – ოდაბადეშო, ეკლესიაშო, მოჯგირეშო დუდიშ დოდვალაშ პოპულარიზაცია ქორთუ ჯარალუას. „დარბაზიშ“ უმაღალაში სხუნუშ მაკათურ გიორგი ნარმანიაშ რაგადით, ორგანიზაციაშ ღანკი რე ჯვეში ტრადიციეფიშ აკოგორუა დო ჯარალუას ხეახალშო გოფაჩუა. „ჩქი ართიანი დობგორით დო გოართოიანაფა ქეშიბლებეთ. მუთ უმოსი ადამიერი ეიაჸუნუ წჷმოჭყაფასჷნი, თით უჯგუშო შემალებენა ნაფირქებუშ რეალიზაფა.“

ცოტნე დადიანიშ დარბაზი ტერიტორიულო ფუნქციონირენს ზუგდიდიშ დო ცაიშიშ ეპარქიაშ შურიელობაშ დო კულტურული გოვითარაფაშ ცენტრის.

რესურსეფი ინტერნეტის

• ოფიციალური ვებ-ხასჷლა Archived 2013-07-17 ვებ-ხასჷლას Wayback Machine.
• ზუგდიდის დირსხუ ორგანიზაცია „ცოტნე დადიანიშ დარბაზიქ“^{[ღურელი რსხილი]}
• ზუგდიდის ორგანიზაცია „ცოტნე დადიანიშ დარბაზიქ“ დირსხუ
• ოფიციალური ხასჷლა Facebook-ს
• В Зугдиди учреждена новая общественная организация^{[ღურელი რსხილი]}

სქოლიო