ხატიბი

ხატიბი (არაბ. خطيب‎‎ — მოქადაგე, ორატორი) — მუსლიმანი ოშურიელე პიჯი, ნამუთ დუდენს ობიშხაშ ხვამას (ჯუმა-ნამაზი).

ხვამაშ დოჭყაფაშახ ზიტყვათ გიშმურს (ხუტბა) კათედრაშ მასუმა ეშალშე. კათედრა იდვალუაფუ მექაშჸურე მერინაფილი ოხვამერი ნიშაშ (მიჰრაბი) მარძგვანშე. ირსულებჷ ჟირი ხუტბა: პირველს ჯოხი ხუტბატ ალ-ვაას, დიდაქტიკური დინორეშ დჷმაგურაფალი ზუტყვა; მაჟირას ჯოხო ხუტბატ ალ-ნაატ დო იკათუანს რწუმაშ სიმბოლოს, ხალიფეფიშ აღიარაფას, სახენწჷფოშ მადუდეშო დო მართალმორწუმეეფიშ ჯარიშო ხვამა.

ობიშხაშ ხუტბაშ მოხ, ხატიბი ზიტყვათ გიშმურს რელიგიურ დღახუეფს, სამანგათ ყურბან-ბაირამი (ოკიბირალიშ დღახუ) ვარ-და იდ ალ-ფიტრი (რამადანიშ თუთაშ ხონებაშ თებაშ პატიოცემელო).