ჯეისონ კლარკი
ჯეისონ კლარკი (ინგლ. Jason Clarke; დ. 17 კვირკვე, 1969) — ავსტრალიარი არტისტი. დებადჷ დო მირდჷ ნოღა უინტონს. შხვადოშხვა ბორჯის ოკათუდჷ ავსტრალიურ სერიალეფს: „მაჸვილარიშ ზარი“, „ტყარი ელმოლი“, „ჸუდე დო გოძვენა“, „ბლუ ჰილერეფი“, „არძა წიმიდე“, „ოქიანუშ ხურგას“, „ჩე ლემი ოჸალე“, „სტინგერეფი“. არსულჷ ტომი კეფიშ როლი სერიალს „ოჯიმალე“. გიშარჩქინდჷ ფილმეფსჷ: „ადამიური კონტრაქტი“, „ომაღურე მარულა“, „ჯარალუაშ ნტერეფი“, „გალია ყურდღელეფშო“. შანულამი რდჷ რედ ჰამილტონიშ როლი ფილმის „ჯარალუაშ ნტერეფი“. 2011 წანას თიში კათაფით გიშართჷ ფილმიქ „დოლოეფი“. ხოლო ილაჸაფჷ დეტექტივ ჯარეკიშ როლი Fox-შ სერიალს „კანონიშ თარა“. ოშინალი რე ხოლო დენიშ როლი ფილმის „ღანკი ნომერი ართი“. 2012 წანას თარი როლი არსულჷ ფილმის „უკანონე“. 2013 წანას გიშარჩქინდჷ ფილმის „დიდი გეტსბი“, სოდეთ ჯორჯ უილსონიშ როლი არსულჷ. 2014 წანას ილაჸაფჷ ფილმის „ქიეფიშ პლანეტა: რევოლუცია“.
| ჯეისონ კლარკი | |
 ჯეისონ კლარკი 2013 წანაშ კვირკვეს | |
| დაბადებაშ ჯოხო | ჯეისონ კლარკი |
| დაბადებაშ აბანი | უინტონი, კუინზლენდი, ავსტრალია |
| დებადჷ | 17 კვირკვე, 1969 |
| საქვარუა | არტისტი |
| აკოქიმინჯალაშ წანეფი | 1995–ასეშა |
რესურსეფი ინტერნეტის
რედაქტირაფა
- ჯეისონ კლარკი — კინოფილმეფიშ ინტერნეტ მუნაჩემეფიშ ბაზას (ინგლისური)