ჯვეშით ახალი წანა
ჯვეშით ახალი წანა (ბელარ. Стары Новы год, ბერძენ. Παλιά νέο έτος, სერბ. Српска Нова година ან Srpska Nova godina, რუს. Старый Новый год, უკრ. Старий Новий рік, სომეხ. Հին Նոր Տարի, მაკედ. დო ბულგ. Стара Нова година, რუმინ. Anul Nou pe rit vechi) — ტრადიციული დღახუ, ნამუსჷთ შხვადოშხვა ქიანას იშინუანა იულიუსიშ კალენდრიშ 1-ა ღურთუთას, ახალ წანას. XX დო XXI ოშწანურეფს ჯვეშით ახალი წანა გრიგორიანული კალენდრიშ 14 ღურთუთას უხვადუ, ახალი წანაშე 13 დღაშა. მუჭოთ წესი, ჯვეშით ახალ წანას, აკა სახენწჷფო ვაჩინებულენს ქიანაშ ოფიციალურ დღახუთ.
რუსეთი რედაქტირაფა
თიშ უმკუჯინალო, ნამჷ-და რუსეთიშ სხუნუეფიშ ფედერაციულ სოციალისტურ რესპუბლიკაქ 1918 წანას ოფიციალურო გეგნორთჷ გრიგორიანულ კალენდარშან, რუსული მართლმადიდებლური ოხვამე თიშ უკულ კინ იულიუსიშ კალენდრს გჷმირინუანს. ახალი წანა იშინუაფუ ჟირხოლო კალენდარით.
იულიუსიშ კალენდარიშ ახალი წანა რუსეთის ამდღარშახ ვაოფიციალური რე დო რუსეფი ახალ წანას ჟირშა, 1-ა დო 14 ღურთუთას ეთმეშანჷნა.
სერბეთი რედაქტირაფა
არძოშე შხირას სერბეთის თე დღახუს სერბულ ახალ წანას უძახუნა (Српска Нова година/Srpska Nova godina).
სერბეთიშ მართლმადიდებელი ოხვამე მუშ დღახუეფს კინ იულიუსიშ კალენდარით ეშანჷნს.
მახორობაშ ნორთი ჯვეშით ახალ წანას კინ ეშანჷნს, მუჭოთ 1 ღურთუთას. ბელგრადის, პარლამენტიშ დო მერიაშ დგჷმილიშ წიმი ინწყუაფუ კონცერტი. სერბეთიშ მართლმადიდებელი ოხვამეშ ორგანიზებათ წიმინდე საბაშ საკათედრო ოხიდაშე უტენა ფოიერვერკის, სოდეთ მიარე ადამიერი იშაყარუ. თაშნეშე თაშ ზეიმენა შხვა ნოღეფს ხოლო.
ოორუე მაკედონია რედაქტირაფა
ოორუე მაკედონიას თე დღახუ „ჯვეში ახალი წანაშ“ ჯოხოთ რე რჩქინელი (Стара Нова година). 13 ღურთუთაშ სერს, კათა შოშეეფშა გიშმურს, სოდეთ მეძობელეფი დიდ დაჩხირს დუთმარძანა, უკულ ართო შუნა დო ჭკომუნა.
ჯვეშით ახალ წანას თაშნეშე იშინუანა მოსოფელიშ შხადოშხვა ქიანას მახორუ მაკედონარეფი, თარო ავსტრალიას, კანადას დო ააშ-ს.
შხვა ქიანეფი რედაქტირაფა
ჯვეშით ახალი წანაშ ტრადიცია ასქილადირი რე თაშნეშე სომხეთის, ბელარუსის, ბოსნია დო ჰერცეგოვინას, საქორთუოს, ყაზახეთის, მონტენეგროს, მოლდოვას, უკრაინას, უელსის დო შვეიცარიას. XX ოშწანურაშ მაართა ნორთის შოტლანდიარი გელეფიშ ნორთი კინ ეშანჷნდჷ თე დღახუს.