ჯონ უერნერ ბეკუსი (ინგლ. John Warner Backus; დ. 3 ქირსეთუთა, 1924, ფილადელფია, პენსილვანია, ააშ — ღ. 17 მელახი, 2007, ეშლენდი, ორეგონი, ააშ) — ამერიკალი ინფორმატიკოსი.

ჯონ ბეკუსი
ინგლ. John Backus
John Backus 2.jpg
ჯონ ბეკუსი 1989 წანას
დაბადებაშ თარიღი:

3 ქირსეთუთა, 1924

დაბადებაშ აბანი:

ფილადელფია, პენსილვანია, ააშ

ღურაშ თარიღი:

მელახი 17, 2007 (82 წანერი)

ღურაშ აბანი:

ეშლენდი, ორეგონი, ააშ

მენოღალობა:

ამერიკაშ აკოართაფილი შტატეფიშ შილა ააშ

ომენცარე სფერო:

ინფორმატიკა

სამუშაშ აბანი :

IBM

ალმა-მატერი:

ვირჯინიაშ უნივერსიტეტი
პიტსბურგიშ უნივერსიტეტი
ჰევერფორდიშ კოლეჯი
კოლუმბიაშ უნივერსიტეტი

ჯილდოეფი დო პრემიეფი:

უოლეს მაკდაუელიშ პრემია (1967)
მენცარობაშ ერუანული მენდალი (1975)
ტიურინგიშ პრემია (1977)
დრეიპერიშ პრემია (1993)

ბიოგრაფიარედაქტირაფა

ჯონ უერნერ ბეკუსიქ დებადჷ 1924 წანაშ 3 ქირსეთუთას, პენსილვანიაშ ნოღა ფილადელფიას. გურაფულენდჷ ქიმიას ვირჯინიაშ უნივერსიტეტის, მარა გურაფაშა გურქ ვეგიადვინჷ დო უნივერსიტეტიშე მალას გეგშაჸათეს. მაჟირა მოსოფელიშ ლჷმაშ ბორჯის ბეკუსი მსახურენდჷ ამერიკაშ არმიას. ჯარიშ თებაშ უკულ დიჭყჷ ინჟინერიაშ გურაფა პიტსბურგიშ უნივერსიტეტის, უკულ ჰევერფორდიშ კოლეჯიშა გეგნორთჷ. უკულიან წანეფს მათემატიკათ დეინტერესჷ დო კოლუმბიაშ უნივერსიტეტიშა გემშართჷ, სოდეთ მიპალუ ბაკალავრიშ (1949 წ.) დო მაგისტრიშ (1950) ხარისხი მათემატიკას. 1951 წანას ბეკუსიქ მუშობა ქიდიჭყჷ კომპიუტერული ტექნოლოგიეფიშ ართ-ართ უდიდაშ ამერიკულ კომპანია IBM-ის. ჸათე კომპანიას მუშობაშ ბორჯის, ბეკუსი ხემანჯღვერენდჷ ბუნას, ნამუქჷთ აკადგინჷ პროგრამირაფაშ ნინა Fortran, მაართა, არძაშე უმოსო გჷმორინაფილი მაღალი დონეშ პროგრამირაფაშ ნინა. ბეკუსი რდჷ ბეკუს-ნაურიშ ფორმაშ დუმარსხუაფალი, ნამუთ გიმირინუაფჷ ფორმალური ნინაშ სინტაქსიშ დეფინიციაშო. 1970-იან წანეფს ბეკუსი მუშენდჷ კომბინატორული პროგრამირაფაშ პარადიგმაშ გოვითარაფაშო.

ჯონ ბეკუსი რდჷ შხვადოშხვა პრემიეფიშ დო ჯილდოეფიშ ლაურეატი. 1967 წანას ბეკუსის, ამერიკალი ელექტოტექნიკური დო ელექტრონული ინჟინერეფიშ ინსტიტუტიქ გინოჩჷ უოლეს მაკდაუელიშ პრემია. 1975 წანას ბეკუსიქ მიპალუ მენცარობაშ ერუანული მენდალი. 1977 წანას ბეკუსის გინოჩეს ტიურინგიშ პრემია, პრაქტიკული მაღალი დონეშ პროგრამირაფაშ სისტემეფიშ, გიშაკერზაფილო Fortran-იშ გოვითარაფაშ გეშა. ბეკუსი რდჷ ამერიკაშ მენცარობეფიშ დო ხელუანობეფიშ აკადემიაშ მაკათური.

ბეკუსიქ პენსიაშა მიდართჷ 1991 წანას. ღურუ 2007 წანაშ 17 მელახის, 82 წანერქ, ორეგონიშ ნოღა ეშლენდის. ბეკუსიშ ჯოხონობაშ რე ართი ასტეროიდი.

რესურსეფი ინტერნეტისრედაქტირაფა