ჯონ ფლემსტიდი (ინგლ. John Flamsteed; დ. 19 მარაშინათუთა, 1646, დენბი, დერბიშირი, ინგლისი — ღ. 31 ქირსეთუთა, 1719, ბერსტოუ, სარი, ინგლისი) — ინგლისარი ასტრონომი, მაართა ომაფე ასტრონომი. ასტრონომიათ ბაღანობაშე დეინტერესჷ. გურაფულენდჷ კემბრიჯიშ ჯიზუს-კოლეჯის. 1665 წანას, 19 წანერი რდუნ თეშ ჭარუ მაართა მენცარული ნახანდი მათემატიკური ესეეფი. ფლემსტიდიქ აკეთჷ 1666 დო 1668 წანეფიშ ბჟაშ გეუკუმელაფაშ ზუსტი კალკულაცია. 1672 წანას ზიმუ მოროხიშ პარალაქსი. 1681 წანას ფლემსტიდიქ წჷმარინუ ვერსია, ნამუშ მეჯინათ 1680 წანაშ გერგობათუთას დო ქირსეთუთას კილარჩქინელი კომეტეფი ვარდეს შხვადოშხვა კომეტეფი. რდჷ ხვალე ართი კომეტა, შხვადოშხვა ბორჯის კილარჩქინელი. ფლემსტიდი რე ავტორი 3000 მურიცხიშ კატალოგიშ (Catalogus Britannicus) დო მურიცხეფიშ ატლასიშ (Atlas Coelestis). ჟირხოლო ნახანდიქ გჷმიბჟინუ ფლემსტიდიშ ღურაშ უკული. ფლემსტიდი მუშ კატალოგის ეთმოჭარუნს პლანეტა ურანს ხოლო, ნამუთ მურიცხო მიოჩქუდჷ. ჯონ ფლემსტიდი რდჷ გრინვიჩიშ ომაფე ობსერვატორიაშ დირექტორი დო ლონდონიშ ომაფე ჯარალუაშ მაკათური. ფლემსტიდიშ ჯოხონობაშ რე ართ-ართი კრატერი თუთას დო ართი ასტეროიდი. გრინვიჩიშ ომაფე ობსერვატორიას რე დორსხუაფილი ფლემსტიდიშ ჯოხონობაშ ასტრონომიაშ ჯარალუა.

ჯონ ფლემსტიდი
ინგლ. John Flamsteed
John Flamsteed 1702.jpg
დაბადებაშ თარიღი:

19 მარაშინათუთა, 1646

დაბადებაშ აბანი:

დენბი, დერბიშირი, ინგლისი

ღურაშ თარიღი:

ქირსეთუთა 31, 1719 (73 წანერი)

ღურაშ აბანი:

ბერსტოუ, სარი, ინგლისი

მენოღალობა:

გოართოიანაფილი ომაფეშ შილა გოართოიანაფილი ომაფე

ომენცარე სფერო:

ასტრონომია

სამუშაშ აბანი :

გრინვიჩიშ ომაფე ობსერვატორია

ალმა-მატერი:

ჯიზუს-კოლეჯი (კემბრიჯი)

ჯოხოშინელი მოგურაფეეფი:

ჯოზეფ კროსტვეიტი

ჩინებული რე მუჭოთ:

მაართა ომაფე ასტრონომი

ჯილდოეფი დო პრემიეფი:

ლონდონიშ ომაფე ჯარალუაშ მაკათური

რესურსეფი ინტერნეტისრედაქტირაფა

ვიკიოწკარუეს? რე ხასჷლა თემაშენ: