ჰაინრიხ IV (საღორონთო რომიშ იმპერატორი)
ჰაინრიხ IV (გერმ. Heinrich IV; დ. 11 გერგობათუთა, 1050 — ღ. 7 მარაშინათუთა, 1106) — საღორონთო რომიშ იმპერატორი 1084-1105 წანეფს, გერმანიაშ მაფა 1054-1105 წანეფს, იტალიაშ დო ბურგუნდიაშ მაფა 1056-1105 წანეფს დო ბავარიაშ ჰერცოგი 1052-1054 წანეფს, სალიარეფიშ დინასტიაშ წჷმმარინაფალი.
| ჰაინრიხ IV გერმ. Heinrich IV | ||
 | ||
| საღორონთო რომიშ იმპერიაშ იმპერატორი | ||
|---|---|---|
| პოსტის გერინაშ ბორჯი | ||
| 1084 – 1105 | ||
| წიმოხონი | ჰაინრიხ III | |
| მონძე | ჰაინრიხ V | |
| პოსტის გერინაშ ბორჯი | ||
| 1054 – 1105 | ||
| წიმოხონი | ჰაინრიხ III | |
| მონძე | ჰაინრიხ V | |
იტალიაშ დო ბურგუნდიაშ მაფა | ||
| პოსტის გერინაშ ბორჯი | ||
| 1056 – 1105 | ||
| წიმოხონი | ჰაინრიხ III | |
| მონძე | ჰაინრიხ V | |
| დუნაბადი | 11 გერგობათუთა, 1050 გოლსარიშ დოხორე, საქსონია | |
| ნაღურა | 7 მარაშინათუთა, 1106 (55 წანერი) ლიეჟი, თუდოლენი ლორენი | |
| ნთხორუ აბანი | შპაიერიშ ოხიდა | |
| მუმა | ჰაინრიხ III | |
| ნანა | აგნესა დე პუატიე | |
| ალმასქუ | 1. ბერტა სავოიარი 2. ევპრაქსია კიევარი | |
| სქუალეფი | აგნესა, შვაბიაშ ჰერცოგინია კონრადი, იტალიაშ მაფა ჰაინრიხ V, საღორონთო რომიშ იმპერატორი | |
| რელიგია | კათოლიციზმი | |
რდჷ ჰაინრიხ III-შ დო თიში ალმასქუ აგნესა დე პუატიეშ ქომოლსქუა. მუამუშიშ ღურაშ უკულ (1056 წ.), დიდა რდუნდჷ. 1063 წანას ჰაინრიხიშ რეგენტო გინირთჷ კელნიშ არქიეპისკოპოსიქ ანო II-ქ. რსულხანობაშ მეჭირინაფაშახ უკულ, ჰაინრიხ IV ოცადუდჷ დინაფილი ტერიტორიეფიშ დორთინაფას. ჰაინრიხიშ პოლიტიკას მაჸუნჷ უკმაყოფილე დიდებუანეფიშ არჸებეფქ, დიო საქსონიას დო უკულ თიურინგიას. საქსონიაშ არყება ჰაინრიხიქ 1069 წანას დამარცხჷ. ჰაინრიხი მაღალი პოსტეფს ორინუანდჷ მუში მოხუჯე კათას. თიში ჸათე პოლიტიკა გერმანული არისტოკრატიას ვამოწონდჷ.
ჰაინრიხი, თაშნეშე ორინუანდჷ ოშურიელე პიჯეფს, ეპისკოპოსეფს დო აბატეფს. ჸათეშ (ინვესტიტურა) გეშათ ძალამს გეუფრაშჷ ჰაინრიხიშ ურთიართალაქ რომიშ პაპიწკჷმა. 1073 წანას პაპო გინირთჷ გრიგოლ VII-ქ, ნამუთ ჰაინრიხის ნებას ვარძენდჷ ქუდარინუკო ეპისკოპოსეფი დო აბატეფი. პაპიშ აზრით ინვესტიტურა ხვალე ეკლესიაშ პრეროგატივა რდჷ. ჰაინრიხიქ ვორმსის მანწყუ გერმანალი ოშურიელე პიჯეფიშ კათუა დო პაპი გინორინაფილო გეგმაცხადჷ. საგამათ, პაპიქ ეკლესიაშე მოკვათუ იმპერატორი დო თიში ვასალეფი ვალდვალირობეფიშე გადუდიშულჷ. პაპიშ ჸათე გინოჭყვიდირით ქისარგებლეს გერმანალი თარებქ დო ეარყეს იმპერატორიშ მეხჷ. ჰაინრიხის შხვა შარაქ ვადასქიდჷ დო ჭიჭე ჯალაბით, შქა ზოთონს, კუჩხიჩაფლეთ ქიმერთჷ პაპიშა, ოორუე იტალიას მადვალუ კანოსაშ ჯიხა-დარბაზიშა. ჸათაქ თინა სუმი დღაშ გოძვენას თხულენდჷ პაპის მინავათობას. იმპერატორქ დო პაპიქ მირიგეს მარა კონფლიქტი ვათებე. ჰაინრიხიშ გერმანალი ოპონენტეფქ 1077 წანაშ 14 მელახის, გეგშაგორეს ანტიმაფა რუდოლფ ფონ რეინფელდენი. მაფეფიშ კონფლიქტის პაპის ნეიტრალური პოზიცია უკინებუდჷ. 1080 წანაშ 14 გჷმათუთას, ელსტერიშ ლჷმას რუდოლფიშ მოხუჯეეფქ დამარცხეს ჰაინრიხი, მარა ბურჯაფის რუდოლფიქ დიჭკირჷ დო ართი დღაშ უკულ დოღურჷ.
ჰაინრიხი მაღალი რანგიშ ოშურიელე პიჯეფს იშენ დუთმარინუანდჷ. ჸათეშ გეშათ პაპიქ ხოლო ართიშა მოკვათჷ ჰაინრიხი ეკლესიაშე. გერმანიაშ დო ოორუე იტალიაშ ეპისკოპოსეფი იშენჷ იმპერატორს ალურდეს. თინეფქ 1080 წანას გეგშაგორეს ანტიპაპი კლიმენტ III. 1081 წანას ჰაინრიხიქ წიმიჭყჷ ოურდუმე კამპანიეფი იტალიას. 1084 წანას თიქ რომი გეჭოფუ, გრიგოლ VII-ქ ინტუ. ანტიპაპი კლიმენტ III-ქ რომს, 1084 წანაშ 1 პირელს, იმპერატორო აკურთხჷ ჰაინრიხი.
კლიმენტ III-ქ დოღურჷ 1100 წანას. თიშ ღურაშ უკულ ჰაინრიხის ახალი ანტიპაპიშ დორნაფა ვაუცადებჷ მარა რომიშ პაპიწკჷმა იშენ ვაგუუჯგუშებჷ ურთიართალა (ჸათე ბორჯიშო რომიშ პაპი პასხალის II რდჷ).
1103 წანას ჰაინრიხიქ გეგმაცხადჷ დიხაშ ზე. 1105 წანაშ 31 გერგობათუთას, უკულაში ქომოლსქუაქ ჰაინრიხ V-ქ მუამუში ჰაინრიხ IV გეგნარინუ. ჰაინრიხ IV ოცადუდჷ ხვისტაშ დორთინაფას ლოთარინგიალი არისტოკრატეფიშ ალარინათ, მარა მალას ქიდელახჷ დო 1106 წანაშ 7 მარაშინათუთას დოღურჷ.