ჰარაპა (ინგ."Harappa") — ჯვეშინდური ნოღა. ჰარაპაშ ცივილიზაციაშ (ჯვ.წ. 3 ვითოში — მა-XVII/მა-XVI ო.ო.) ართ-ართი თარი ცენტრი. იდვალუაფუ წყარმალუ რავიშ ჯვეშ კალაპოტწკჷმა პაკისტანს, საჰივალიშ ოლქის (თეხანური პენჯაბიშ ტერიტორია).

ჰარაპაშ ცივილიზაცია
მეკონეფი ჯვეში ჰარაპაშე

„ჰარაპა“ ვა წჷმარინუანს ნოღაშ დუდმაართა ჯოხოდვალას. თე ჯოხო თიქ მიღჷ თეხანურ ნოღა ჰარაპაშე, ნამუთ იდვალუაფუ ნონანოღაშე 6 კმ. გოძვენას. თეხანური ჰარაპა რე ბრიტანული კოლონიზაციაშ ბორჯიშე ასქილადირი ორკინაშარე დგჷმილი, ნამუშ მახორობა აკმადგინანს დოხოლაფირო 15 ვითოშ ადამიერს.

ჯვეშ ჰარაპას მიოგორეს 1920-იან წანეფს დო თიმ ბორჯიშე ასეშა თაქ მეურს არქეოლოგიური გონთხორუეფი. ნოღაშ აკნაცჷმეფი ბრინჯაოშ ეპოქაში რე. თინა მუშ ბორჯის ართ-ართი გომანგარაფილი დო ჭყანიერი ნოღა ჸოფე, ნამუშ მახორობა აკმადგინანდჷ დოხოლაფირო 23,5 ვითოშ ადამიერს. ჯვეში ნოღა ძალამ დოღამაკელი რე ბრიტანეთიშ კოლონიზაციაშ პერიოდშე, მუჟამსჷთ თიშ ანგურეფი გჷმირინუაფუდჷ ლაჰორ—მულტანიშ რკინაშარაშ აკოგაფას.

თე აბანს იგეგმებუდჷ კაბეტი ბორჯოღალი პარკიშ აკოგაფა, ნამუქჷთ 2005 წანას გეგნიდჷ, თიშ უკული, მუთ აკოგაფაშ ორდოიან ეტაპის ანდა არქეოლოგიური არტეფაქტიქ იჸუ მეგორაფილქჷნ. გიშარჩქინელი პაკისტანარი არქეოლოგიშ აჰმედ ჰასან დანიშ მემართუაშ შედეგო პაკისტანიშ კულტურაშ სამინისტროქ მიღჷ გჷნოჭყვიდირი ნოღაშ აკოდგინუაშ გეშა.

თშნეშე ქოძირითრედაქტირაფა

რესურსეფი ინტერნეტისრედაქტირაფა