ჰარი მულიში

ჰარი მულიში
	ჰარი მულიში
	; ჰარი მულიში 1981 წანას
დაბადებაშ თარიღი:	29 კვირკვე, 1927
დაბადებაშ აბანი:	ჰაარლემი, ნიდერლანდეფი
ღურაშ თარიღი:	გჷმათუთა 30, 2010 (83 წანერი)
ღურაშ აბანი:	ამსტერდამი, ნიდერლანდეფი
ერუანობა:	ნიდერლანდარი
საქვარუა:	ჭარუ, ნოველისტი, დრამატურგი, სცენარისტი, პოეტი
პერიოდი :	1952–2001
Magnum opus:	რალაფი (1982); სამოთხეშ ძირაფა (1992)
ჟანრი:	რომანი, პიესა, ესსე, ლერსი
ნინა:	ნიდერლანდური ნინა
ჯილდოეფი:	ხელუანობეფიშ დო ლიტერატურაშ ორდენი (2001); გერმანიაშ ფედერაციული რესპუბლიკაშ ღრისებაშ ორდენი (2002); ნიდერლანდეფიშ ნჯილოშ ორდენი (1997); ჰოფტიშ პრემია (1977); ნიდერლანდეფიშ ლიტერატურული პრემია (1995); ანა ფრანკიშ პრემია (1957); ნონინოშ საირქიანო პრემია (2007); მულტატულიშ პრემია (1993); კონსტანტეინ ჰიუიგენსიშ პრემია (1977); ფლაიანოშ პრემია (2003)

ჰარი კურტ ვიქტორ მულიში (ნიდ. Harry Kurt Victor Mulisch; დ. 29 კვირკვე, 1927, ჰაარლემი, ნიდერლანდეფი — ღ. 30 გჷმათუთა, 2010, ამსტერდამი, ნიდერლანდეფი) — ნიდერლანდარი ჭარუ, ნოველისტი, დრამატურგი, სცენარისტი დო პოეტი. მულიში რე ავტორი რომანეფიშ, პიესეფიშ, ესსეეფიშ, პოემეფიშ, ლერსეფიშ დო ფილოსოფიური ნახანდეფიშ. თიში ნაჭარეფი თანგილი რე მოსოფელიშ 30-შე უმოს ნინაშა.

მულიშიქ ლიტერატურული კარიერა 1950-იან წანეფს დიჭყჷ. მაართა რომანი 1952 წანას გჷმაბჟინუ. მულიშიშ არძაშე უმოსო შინელი რომანი რე "რალაფი", ნამუქჷთ 1982 წანას გიშართჷ დო ავტორს დიდი პოპულარობა მოუღჷ. ჸათე რომანიშ სიუჟეტის რე გერსხილი კინო-ფილმი. ფილმიქ მიპალუ ოსკარიშ დო ორქოშ გლობუსიშ ჯილდოეფი.

მულიშიშ, 1992 წანაშ რომანი "სამოთხეშ ძირაფა" მერჩქინელი რე ნიდერლანდური ლიტერატურაშ შედევრო. 2007 წანას, გაზეთი NRC Handelsblad-იშ გჷმოკითხირით ჸათე რომანი დასახელეს ნიდერლანდურ ნინაშა ჭარილ საუჯგუშო წინგო. წინგიშ სიუჟეტის რე გერსხილი ნიდერლანდარი რეჟისორიშ იერუნ კრაბეშ 2001 წანაშ ფილმი. ფილმის თარი როლს არსულენს ინგლისარი არტისტი სტივენ ფრაი.

ჰარი მულიშის, ვილემ ფრედერიკ ჰერმანსი დო გერარდ რევეწკჷმა ართო, მიშინუანა მუჭოთ ლჷმეფიშ უკულიანი პერიოდიშ ნიდერლანდური ლიტერატურაშ "დიდი სუმი"-ს (De Grote Drie).

ჰარი მულიში რდჷ შხვადოშხვა პრემიეფიშ დო ჯილდოეფიშ ლაურეატი. არძაშე უმოსო შანულამი ჯილდოეფი ნამუეფით მულიშიქ მიპალუ რდჷ: ნონინოშ საირქიანო პრემია დო ნიდერლანდური ლიტერატურაშ პრემია. მულიში რდჷ ნიდერლანდეფიშ ნჯილოშ ორდენიშ კომანდორი (ნიდერლანდეფი), ხელუანობეფიშ დო ლიტერატურაშ ორდენიშ რაინდი (საფრანგეთი) დო გერმანიაშ ფედერაციული რესპუბლიკაშ ღრისებაშ ორდენიშ ოფიცერი. მულიშიშ ჯოხონობაშ რე ართი ჭიჭე პლანეტა.

ჰარი მულიშიქ ღურუ 2010 წანაშ 30 გჷმათუთას, 83 წანერქ. ნთხორილი რე ამსტერდამიშ ზორგვილედიშ სასაფლას.

რესურსეფი ინტერნეტის

ნეკროლოგეფი

ჰარი მულიში
ჰარი მულიში 1981 წანას
დაბადებაშ თარიღი:	29 კვირკვე, 1927
დაბადებაშ აბანი:	ჰაარლემი, ნიდერლანდეფი
ღურაშ თარიღი:	გჷმათუთა 30, 2010 (83 წანერი)
ღურაშ აბანი:	ამსტერდამი, ნიდერლანდეფი
ერუანობა:	ნიდერლანდარი
საქვარუა:	ჭარუ, ნოველისტი, დრამატურგი, სცენარისტი, პოეტი
პერიოდი :	1952–2001
Magnum opus:	რალაფი (1982) სამოთხეშ ძირაფა (1992)
ჟანრი:	რომანი, პიესა, ესსე, ლერსი
ნინა:	ნიდერლანდური ნინა
ჯილდოეფი:	ხელუანობეფიშ დო ლიტერატურაშ ორდენი (2001) გერმანიაშ ფედერაციული რესპუბლიკაშ ღრისებაშ ორდენი (2002) ნიდერლანდეფიშ ნჯილოშ ორდენი (1997) ჰოფტიშ პრემია (1977) ნიდერლანდეფიშ ლიტერატურული პრემია (1995) ანა ფრანკიშ პრემია (1957) ნონინოშ საირქიანო პრემია (2007) მულტატულიშ პრემია (1993) კონსტანტეინ ჰიუიგენსიშ პრემია (1977) ფლაიანოშ პრემია (2003)