ჰარლოუ შეპლი
ჰარლოუ შეპლი (ინგლ. Harlow Shapley; დ. 2 გერგობათუთა, 1885, ნეშვილი, მისური, ააშ — ღ. 20 გჷმათუთა, 1972, ბოულდერი, კოლორადო, ააშ) — ამერიკალი ასტრონომი დო პოლიტიკური აქტივისტი. შეპლი გურაფულენდჷ ასტრონომიას მისურიშ უნივერსიტეტის. უკულ გურაფა გაგინძორჷ ფრინსთონიშ უნივერსიტეტის, სოდეთ შეპლიშ ომენცარე ხემანჯღვერი რდჷ ჰენრი ნორის რასელი. 1921-1952 წანეფს შეპლი მუშენდჷ ჰარვარდიშ ობსერვატორიაშ დირექტორო. შეპლიქ ცეფეიდური მურიცხეფიშ გჷმორინაფათ აკეთჷ მეშხურეშ შარაშ გალაქტიკაშ ზომაშ კალკულაცია დო პარალაქსიშ გჷმორინაფათ დადგინჷ ბჟაშ ზუსტი ლოკაცია მეშხურეშ შარაშ გალაქტიკას. შეპლი რე შხვადოშხვა მენცარული პუბლიკაციეფიშ დო წინგეფიშ ავტორი. შეპლიშ ჯოხონობაშ რე ართი ასტეროიდი დო ართ-ართი კრატერი თუთას. ჰარლოუ შეპლიშ სკუა რდჷ შინელი ამერიკალი მათემატიკოსი, ეკონომისტი დო ნობელიშ პრემიაშ ლაურეატი ლოიდ შეპლი.
| ჰარლოუ შეპლი | |
| ინგლ. Harlow Shapley | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 20, 1972 (86 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ჰენრი დრეიპერიშ მენდალი (1926) |
ჯილდოეფი დო პრემიეფი
რედაქტირაფა- 1926: ჰენრი დრეიპერიშ მენდალი
- 1933: ჟიულ ჟანსენიშ პრემია
- 1933: რუმფორდიშ მენდალი
- 1934: ასტრონომიაშ ომაფე ჯარალუაშ ორქოშ მენდალი
- 1939: ბრიუსიშ მენდალი
- 1940: ჟანსენიშ მენდალი
- 1941: პიუს XI-შ მენდალი
- 1945: ფრანკლინიშ მენდალი
- 1950: ჰენრი ნორის რასელიშ ლექციაშ პრემია
ქოძირით თაშნეშე
რედაქტირაფარესურსეფი ინტერნეტის
რედაქტირაფა