ჰერაკლე (ბიზანტია)
ფლავიუს ჰერაკლე ავგუსტუსი (ბერძ. Φλάβιος Ἡράκλειος αὐγουστος; დ. დოხოლაფირო 575 — ღ. 11 ფურთუთა, 641) — ბიზანტიაშ იმპერატორი 610-641 წანეფს.
| ჰერაკლე ბერძ. Ἡράκλειος | ||
 იმპერატორი ჰერაკლეშ სოლიდუსი, კონსტანტინოპოლიშ ზარაფხანაშ მუნაჭკირა 610-613 წანეფს | ||
| ბიზანტიაშ იმპერატორი | ||
|---|---|---|
| პოსტის გერინაშ ბორჯი | ||
| 5 გჷმათუთა, 610 წანა – 11 ფურთუთა, 641 წანა | ||
| წიმოხონი | ფოკა | |
| მონძე | კონსტანტინე III ჰერაკლონასი | |
| დუნაბადი | დოხოლაფირო 575 კაპადოკია, ბიზანტიაშ იმპერია | |
| ნაღურა | 11 ფურთუთა, 641 (65 წანერი) კონსტანტინოპოლი, ბიზანტიაშ იმპერია | |
| მუმა | ჰერაკლე უნჩაში | |
| ნანა | ეპიფანია | |
| ალმასქუ | ფაბია ევდოკია მარტინა | |
| სქუალეფი | ევდოკია ეპიფანია კონსტანტინე III ჰერაკლონასი იოანე ათალარიქოსი მარტინუსი დავითი თეოდოსიუსი ავგუსტინა მარტინა ფაბიუსი | |
| რელიგია | ქალკედონიური ქირსიანობა | |
ჰერაკლექ 610 წანას გეგთარაგუ უზურპატორი იმპერატორი ფოკა, თის ღურა ქიმუსაჯუ დო ბიზანტიაშ იმპერატორიშ ხვისტაშა მუქ გეშართჷ. ჰერაკლეშ იმპერატორობა იხასიათებუ ოურდუმე კამპანიეფით. 602 წანაშე ბიზანტია აწარმენდჷ ლჷმას სპარსეთიწკჷმა. ჰერაკლექ ატარუ ოურდუმე რეფორმეფი, განძალიერჷ არმია დო ფლოტი. ჰერაკლექ გეგშარაჸუ მორჩილი აზიაშე სპარსალეფი, გემშეჭკირჷ თინეფიშ ტერიტორიაშა დო 627 წანაშ 12 ქირსეთუთას, ნინევიაშ ლჷმას, ორჯგინჷ სპარსალეფს დო მოჯალაგუ თინეფიშ აკოანჯარაფილი ნძალეფი. მალას სპარსეთიშ შაჰი ხოსრო II გეგთარაგუ მუში სქუაქ კავად II-ქ დო მითხუ ბიზანტიაწკჷმა აპიჯაფაშ დოდვალა.
მარა ჰერაკლეს ბრელხანს ვასქილადუ ეჭოფილი ტერიტორიეფი. რაშიდუნეფიშ სახალიფოქ, ნამუქჷთ გიჭყჷ არაბეთიშ ჩქონს, ქიდეკინჷ სასანიანეფიშ იმპერია. 636 წანას რაშიდუნეფიშ ნძალეფქ გემშეჭკირეს სირიაშა დო დამარცხეს ჰერაკლეშ ჯიმა თეოდორე. ბორჯიშ კუნტა პერიოდიშ გოძვენას, არაბეფქ გეჭოფეს შქაწყარმალონა, სომხეთი დო ეგვიპტე.
ბალკანეთის, ჰერაკლექ გემშართჷ დიპლომატიური ურთიართალაშა ხორვატეფი დო სერბეფიწკჷმა. თაშნეშე, ჰერაკლე ოცადუდჷ სქიზმაშ პრობლემაშ გინოჭყვიდუას ქირსიანული რელიგიას. ჸათე ღანკით, თიქ წჷმარინუ კომპრომისული ვარიანტი, ნამუსჷთ მონოთელიტიზმის უძახჷნა. ჸათე პროცესის მონაწილენდეს ნესტორიანალეფი ხოლო. მარა ჰერაკლეს იშენ ვემიაჭირინუ რელიგიური ართოიანობაშა.
ქოძირით თაშნეშე
რედაქტირაფალიტერატურა
რედაქტირაფა
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |