ჰიდროსფერო
ჰიდროსფერო (ჯვ. ბერძნ. – Yδωρ – წყარი დო σφαῖρα – სფერო) — დიხაუჩაშ წყარიშ დანცხი, ნამუთ ჭყვადილო რე დონწყილი ატმოსფეროშ დო დიხაუჩაშ ქერქიშ შქას; წჷმადგინანს ოკიანეეფიშ, ზუღეფიშ დო სქირონაშ ჟინპიჯული წყარეფიშ ართიანობას. ფართე გაგებათ, იკათუანს ხოლო დიხაშ თუდოლენ წყარეფს, არქტიკაშ დო ანტარქტიკიშ ჸინს დო თირს, ხოლო ატმოსფეროს დო თელ ორგანიზმეფს მიშნაველ წყარს. ჰიდროსფეროშ ოშქაშე ქიმიური მიშაკათინი ეხოლებჷ ზუღაშ წყარიშ ოშქაშე ქიმიურ მიშაკათინს. ჰიდროსფეროშ წყარი ირიათო ურთიართმოქიმინუნს ატმოსფეროწკჷმა, დიხაუჩაშ ქერქწკჷმა დო ბიოსფეროწკჷმა.
ჩქინ პლანეტაშ წყარიშ 98%-შე უმოსი ოკიანეეფს დო ზუღეფს რე. სქირონაშ წყარეფშა მოურს 2%-შე ნარკები. მ შ. ჰიდროსფეროშ დახოლებურო 2% ლიგე წყარი რე. დოსქილადირი წყარი წყითე რე. ლიგე წყარეფიშ 2%-ს დიო-დიო კოჩიშობა გიმირინუანს არძა ოხვილურშო - ხერეჭუა, ოფუტეშ მეურნობას დო ჸოფარინას.
წყარიშ დაცხის მეტო დიდი შანულობა უღჷ დიხაუჩაშ ჰავაშო. ჩინებული რე, ნამდა წყარი წყჷნარო ტიბუ. თიშო ნამდა, ართი კუბური მეტრი წყარი 1°-ით გოტიბასინ, ოხვილური რე 3000-შახ უმოს სიტიბა, ვინემ ათესხი განიშ ჰავაშ ოტიბაფალო. ათე ბორჯის წყარი წყჷნარას რგიდუ. თაშნეშე, ზარხულიშ გოძვენას გოტიბაფილი ოკეანეეფიშ დო ზუღეფიშ წყარი ზოთონჯის ოტიბუანს ჩქჷნ პლანეტაშ ჰავას.
ქოძირით თაშნეშე
რედაქტირაფალიტერატურა
რედაქტირაფა- ქორთული სხუნუეფიშ ენციკლოპედია, ტ. 11, ხს. 656, ქართი, 1987 წანა.
- Kelbert A, Schultz A, Egbert G Global electromagnetic induction constraints on transition-zone water content variations (ინგლ.) // Nature. — 2009. — В. 460. — С. 1003-1006.