ჰოლი ჰანტერი

ჰოლი ჰანტერი (ინგლ. Holly Hunter; დ. 20 მელახი, 1958) — ამერიკალი არტისტი. ფილმის რსულებური როლიშო „პიანინო“, მიაჩჷ ოსკარიშ პრემიაქ ნომინაციას საუჯგუშო არტისტი ოსური. რსულებური როლეფიშო ფილმეფს „ტელეამბეფი“ „ფირმა“ დო „ვითოსუმი“ ნომინირაფილი რდჷ ოსკარიშ პრემიას. გომორძგვილი აფუ ხოლო ჟირი ემიშ პრემია დო ორქოშ გლობუსი.

ჰოლი ჰანტერი
ჰოლი ჰანტერი 2015 წანას
დაბადებაშ ჯოხო	ჰოლი ჰანტერი
დაბადებაშ აბანი	კონიერსი, ააშ
დებადჷ	20 მელახი, 1958 (1958-03-20)
საქვარუა	არტისტი
აკოქიმინჯალაშ წანეფი	1981–ასეშა
ალმასქუ(ეფი)	იანუშ კამინსკი (1995-2001)

ბიოგრაფია

ჰოლი ჰანტერქ დებადჷ ჯორჯიაშ შტატიშ ნოღა კონიერსის, დიამუშიშ, ჸუდეშ დია ოპალ მარგარიტიშ დო მუამუშიშ ჩარლზ ედვინ ჰანტერიშ ფანიას. ნოღა პიტსბურგის კარნეგი-მელონიშ უნივერსიტეტის ჰანტერქ დრამაშ სფეროს მიღჷ ხარისხი დო გარკვიებული ბორჯით როლეფს არსულენდჷ თეატრალურ სცენეფს. გვიანო ოხორინალო გინორთჷ ნოღა ნიუ-იორკიშა. თიში კინოდებიუტიქ იჸუ 1981 წანას ფილმის „ჭუალა“. 1982 წანას ოხორინალო გინორთჷ ლოს-ანჟელესიშა, სოდეთ როლეფს იღენდჷ ოტელევიზიე ფილმეფს. 1993 წანას როლი არსულჷ ფილმის „პიანინო“, ნამუქჷთ 3 ოსკარიშ პრემია დო 1 ორქოშ გლობუსი მოუღჷ.

ფილმოგრაფია

წანა		მარგალურო	ოდაბადური ჯოხოდვალა	როლი
1981	ფ	ჭუალა	The Burning	სოფი
1987	ფ	არიზონაშ რდუალა	Raising Arizona	ედვინა
1993	ფ	პიანინო	The Piano	ადა მაკგრატი
2000	ფ	ო, ჯიმა, სო რექ?	O Brother, Where Art Thou?	პენი
2003	ფ	ვითოსუმი	Thirteen	მელანი ფრილენდი
2004	ფ	პატარა შავი წიგნაკი	Little Black Book	ბერბი
2005	ფ	ჩე დიხა	The Big White	მარგარეტი

პიჯული რინა

ჰოლი ჰანტერი სიხოლას რდჷ ოპერატორ იანუშ კამინსკიწკჷმა. თაშნეშე ხვადუდჷ ბრიტანარ არტისტის გორდონ მაკდონალდის. 2006 წანაშ ღურთუთას ჰანტერიშ პუბლიცისტიქ გაცხადჷ: ნამდა ჰოლიშ ნაჟირალეფქ მაძინჷ, ჟირი სქუაქ.

რესურსეფი ინტერნეტის

ვიკიოწკარუეს^? რე ხასჷლა თემაშენ:

ჰოლი ჰანტერი

• ჰოლი ჰანტერი — კინოფილმეფიშ ინტერნეტ-მუნაჩემეფიშ ბაზას
• ჰოლი ჰანტერი (ინგლისური)