American Cancer Society
American Cancer Society (მარგალური ჯოხოდვალა ამერიკაშ ონკოლოგიური ჯარალუა) რე კიბოშ რკვიებაშ ორგანიზაცია, ნამუქჷთ დირსხუ 1913 წანას. ჯარალუაქ დირსხუ 1913 წანაშ 22 მესის, ვითი ექიმიშ დო ხუთი ბიზნესმენიშ ინიციატივათ, ნოღა ნიუ-იორკის. დორსხუაფაშ ბორჯის ჯარალუაშ ჯოხოდვალა რდჷ "American Society for the Control of Cancer" (კიბოშ კონტროლიშ ამერიკული ჯარალუა), ასეიან ჯოხოდვალაქ ორგანიზაციას გიადჷ 1944 წანას. ამერიკაშ ონკოლოგიური ჯარალუა აფინანსენს შხვადოშხვა აქტივობეფს, ირძენს გრანტეფს, ფინანსურო ოხვარჷ მენცარეფს კიბოშ ლახარეფიშ რკვიებაშ გეშა, ხემანჯღვერენს შხვადოშხვა კამპანიეფს დო პროექტეფს. ორგანიზაციაშ სლოგანი რე კიბოშ ელიმინაცია დო ახალი მეთოდეფიშ დორსხუაფა კიბოშ კურნალობაშო. ორგანიზაცია გიშმაშქვანს ომენცარე ჟურნალეფს: "Cancer", "CA: A Cancer Journal for Clinicians" დო "Cancer Cytopathology". ამერიკაშ ონკოლოგიური ჯარალუაშ ცენტრალური ოფისი იდვალუაფჷ ჯორჯიაშ შტატიშ ნოღა ატლანტას.
