LOUDspeakers
LOUDspeakers — ქორთული Alternative/Indie როკ-ბუნა. დირსხუ 2009 წანას.
| LOUDspeakers | ||
|---|---|---|
 | ||
| ბიოგრაფია | ||
| ბადებაშ აბანი | ქართი, საქორთუო | |
| ჟანრ(ეფ)ი | როკ-მუსიკა, Alternative/Indie | |
| ობირეში ხონარი | {{{ობირეში ხონარი}}} | |
| აქტიური | 2009 - ამდღარშახ | |
| მაკათურეფი | ||
| ლევან ცხვარაძე სანდრო წიკლაური ლევან მამალაძე დათო ცომაია | ||
| ჸოფილი მაკათურეფი | ||
| ალეკო დოლიძე ოთარ გურგენიძე ზურა მჭედლიშვილი | ||
ისტორია
რედაქტირაფაბუნაქ დირსხუ 2009 წანას. დუმარსხუაფალი მაკათურეფი რდეს ალეკო დოლიძე (კლავიში) დო ლევან ცხვარაძე (გიტარა, ვოკალი). თე წანასჷნე ბუნას ქომიაძინჷ ბას-გიტარისტ ლევან მამალაძექ. თეშ უკული ბუნაქ მუდგაზჷმარენ დემო ინნაჭარა ღოლუ კოტე კალანდაძეშ სტუდიას. თინეფ შქას რდჷ Time To, In This World, Higher დო Questions.
მაართა კონცერტიქ LOUDspeakers-იქ ქართიშ როკ-კლუბის იმანჯჷ, 2010 წანას 30 ღურთუთას; დრამს სანდრო ჟღენტიქ მიოგჷ.
თეშ უკული ბუნა აგინძორენს ინნაჭარეფიშ ღოლამას კოტე კალანდაძეწკჷმა. ბუნაქ გიმითირუ მუსხირენ დრამერი (ოთარ გურგენიძე, ზურა მჭედლიშვილი) სონდარო საბოლათ, 2010 წანაშ მესის, დათო ცომაიაქ ვაკათუნ.
შინელ აკოდგინალუათ ბუნაქ კონცერტშა მაართათ 2010 წანას 7 კვირკვეს გიშართჷ, ყარაფიშ თეატრიშ ოზეს. თეშ უკულ ბუნაქ აქტიური ოკონცერტე მოღალობა ქოდიჭყჷ. LOUDspeakers თაშნეშე ოხოლუდჷ Altervision 2010/Newcomers-ის, სოდეთ თინა ართ-ართ გომორძგვილო გაგჷშიჸონეს. მაართა სოლო-კონცერტიქ 2011 წანაშ ფურთუთას მაგთი კლუბის იმანჯჷ. თენა ბოლო კონცერტი რდჷ, სოდეთ ბუნაწკჷმა ართო მუში ართ-ართი დჷმარსხუაფალი ალეკო დოლიძე მიოგანდჷნ.
კინ თი წანაშ პირელს, ალეკო დოლიძექ ბუნაშე მიდართჷ დორხველი ბაძაძეფიშ გეშა. თეშ უმკუჯინუო, LOUDspeakers-ის ვა მეუჭყვიდირჷ მუშობა დო დოხოლაფირო 2 თუთაშ უკული კლავიშიშ ვაკანტურ პოზიციაშა სანდრო წიკლაური გეჭოფჷ.
საბოლა აკოდგინალუაქ მარჩქილეშ წოხოლე მაართათ Tbilisi Open Air 2011-ის წჷმოდირთჷ.
ბუნა შხირას მიოგანს საქორთუოს მანჯებულ ფესტივალეფს (თინეფ შქას Tbilisi Open Air დო OASIS Festival Mtskheta 2013)