თარ მენიუშა მიშულა

Microsoft Corporation (მაიკროსოფტიშ კორპორაცია) — მულტინაციონალური კომპიუტერული ტექნოლოგიეფიშ კორპორაცია, ნამუშ ოდუდე ოფისი ვაშინგტონს, რედმონდის იდვალუაფუ. კომპანია ზადუნს, აპატენტენს დო ლობირენს კომპიუტერული მონწყილობეფიშო ორხველური პროგრამული ელარჷნაშ ფართო სპექტრის. ბოლო ბორჯის, კომპანიაქ აპარატულ ელარჷნაშ წარმება ხოლო დიჭყჷ. კომპანია, 1975 წანაშ 4 პირელს, ბილ გეიტსიშ დო პოლ ალენიშენ იუ დორხუაფილქ. ამდღარშოთ Microsoft-ი მოსოფელიშ უდიდაში პროგრამული ელარჷნაშ კომპანიეფიშ ერკებულს მაართა აბანს იკენს, თაშნეშე კომპანია წიმი ულირ აბანს იკენს მოსოფელიშ თიჯგურა გიგანტეფს შქას, მუჭოთ რენა: Apple Inc., ExxonMobil დო IBM. 2005 წანაშ მუნაჩემეფით, Microsoft-იშ წანმოწანურ მიშნაველქ 39,79 მილიარდ ამერიკულ დოლარს გინაჩილითუ. 2011 წანაშ მესიშ თუთას, Microsoft-იშ კომპანიაქ ქიჸიდჷ Skype-იშ აქციფი 8,5 მილიარდ ამერიკულ დოლარშა, მუთ ამდღარშოთ Microsoft-იშ უდიდაშ ნაჸიდერო იკოროცხუ.

Microsoft Corporation
Microsoft logo (2012).svg
ტიპი: ოჯარალე/სააქციო
დირსხუ: 4 პირელი, 1975. ააშ-იშ შილა ააშ, ალბუკერკე
დჷმარსხუაფალი: ბილ გეიტსი, პოლ ალენი
ორენი: ააშ, ვაშინგტონიშ შტატი, ნოღა რედმონდი
მინჯე:
დარგი: კომპიუტერული პროგრამეფი დო მონწყილობეფი
პროდუქცია:
რთინა:
ოწარმუე მუშნალი: US$26.76 მილიარდი Increase2.svg (2013)
სუფთა მოგება: US$21.86 მილიარდი Increase2.svg (2013)
წორომოხანდე: 127104 (2014)
სქუალაფირეფი: Microsoft-იშ სქუაჸონერი კომპანიეფიშ ერკებული
ვებ-ხასჷლა: microsoft.com

პროდუქციარედაქტირაფა

Windowsრედაქტირაფა

Windows რე მაიკროსოფტიშ საოპერაციო სისტემა, ნამუქჷთ დიდი წჷმოძინა მუღჷ კომპანიას. თე საოპერაციო სისტემათ მუშენს მოსოფელიშ კომპიუტერეფიშ 90%.

Microsoft Officeრედაქტირაფა

იკათუანს გეჸვენჯ პროგრამეფს: Word, Excel, PowerPoint, Outlook დო Access.

Windows Phoneრედაქტირაფა

რე მაიკროსოფტიშ სმარტფონიშ საოპერაციო სისტემა.

Microsoft Expression Studioრედაქტირაფა

რე მაიკროსოფტიშ პროგრამა გრაფიკაშ აკაქიმინალო.

Windows Internet Explorerრედაქტირაფა

რე მაიკროსოფტიშ ინტერნეტ ბრაუზერი.

Windows Media Playerრედაქტირაფა

რეს მაიკროსოფტიშ პროგრამა, ნამშ მეშქაშობათ Windows-ი კითხულენს ვიდეოეფს.

Skypeრედაქტირაფა

რე პროგრამა, ნამუშ მეშქაშობათ შილებე რაგადი მუჭოთ პერსონალური კომპიუტერეფიშ, თაშნეშე ინტერნეტწკჷმა რსხუშ მაღვენჯი შხვა მონწყილობეფიშ საშვალებათ.

Games for Windowsრედაქტირაფა

რე ბრენდი, ნამუშ ჯოხოთ მაიკროსოფტი გიშმაშქვანს ვიდეო ლაჸაფეფს, თიჯგურეფს, მუჭომეფით რე Flight Simulator, Age of Empires დო GTA IV.

Microsoft Security Essentialsრედაქტირაფა

რე მაიკროსოფტიშ ანტივირუსი.

Xboxრედაქტირაფა

რე მაიკროსოფტრიშ ვიდეო ლაჸაფიშ კონსოლი.

Zuneრედაქტირაფა

რე მაიკროსოფტიშ iPod-იშ ვარიანტი.

Surfaceრედაქტირაფა

რე მაიკროსოფტის iPad-იშ ვარიანტი.

კომპიუტერული პერიფერია დო აქსესუარეფირედაქტირაფა

თენეფი რე კონჭეფი დო "ჭუკი".

MSNრედაქტირაფა

(The Microsoft Network) მაიკროსოფტიშ საინფორმაციო დო დროშ ოღალი საიტი.

OneDriveრედაქტირაფა

რე მაიკროსოფტიშ ვებ-ხასჷლა, ნამუშ საშუალებათ თიშ მახვარებუს შეულებჷ ფაილეფიშ ვებ-ხასჷლაშა ეხარგუა დო ჩუალა.

Outlook.comრედაქტირაფა

რე მაიკროსოფტიშ ელექტრონულ ფოსტაშ ვებ-სერვისი.

Bingრედაქტირაფა

რე მაიკროსოფტიშენ აკოქიმინელი ოგორუე სისტემა.

Windows Live Messengerრედაქტირაფა

რე მაირკოსოფტიშ პროგრამა, ნამუშ საშუალებათ შილებე რაგადი მუჭოთ პერსონალური კომპიუტერეფიშ, თაშნეშე ინტერნეტწკჷმა რსხუშ მაღვენჯი შხვა მონწყილობეფიშ საშუალებათ. მაიკროსოფტიქ 2013 წანაშ 1 მესიშე Windows Live Messenger-ი დოთირუ Skype-ით.

MSNBCრედაქტირაფა

რე სატელევიზიო არხი. 2012 წანაშ ევარხველჷ მაიკროსოფტის.

გონათუარედაქტირაფა

მაიკროსოფტის უღუ ოგონათუე პროგრამეფი, მუჭოთ რე: Microsoft certified systems engineer, Microsoft certified solution developer დო Microsoft Certified Professional.

ხემანჯღვერობარედაქტირაფა

  • ბილ გეიტსი: მაიკროსოფტიშ ართ-ართი დჷმარსხუაფალი. 1975 წანაშე 2000 წანაშა, მიაკროსოფტიშ დუდმახვენჯი დო ემაჸონაფალი დირექტორი რდჷ, მუქ მუშ ემაჸონაფალი დირექტორიშ პოსტი დაუთმუ სტივ ბალმერს. ასე ბილ გეიტსი სქიდუ მაიკროსოფტიშ დუდმახვენჯეთ დო ელმაჩამალო.
  • სტივ ბალმერი: რე მაიკროსოფტიშ წორომახანდე 1980 წანაშე დო მაიკროსოფტიშ ემაჸონაფალი დირექტორი 2000 წანაშე.

თიქ გაცხადჷ, ნამჷ-და დოხოლაფირო ართ წანაშა ქიდიტენს Microsoft-იშ ემაჸონაფალი დირექტორიშ პოსტის.

ფინანსეფირედაქტირაფა

რთაფარედაქტირაფა

2005 წანას, მაიკროსოფტიშ წანმოწანური რთაფა რდჷ 40 მილიარდი დოლარი, ნამუქჷთ 8%-ით ქიმიძინჷ 2004 წანაწკჷმა ელაზჷმაფათ. 2006 წანას, მაიკროსოფტიშ წანმოანურ რთაფაქ მიძინჷ დო აკმადგინანდჷ 45 მილიარდ დოლარს, 2007 წანას - 52 მილიარდ დოლარშახ გეკორთჷ. 2008 წანას, კომპანიაშ წანმოწანურ რთაფაქ 60 მილიარდ დოლარს მიანჭჷ, 2009 წანას - 58 მილიარდ დოლარშახ დიკინჷ, 2010 წანას - 62,5 მილიარდ დოლარშა მიძინჷ, 2011 წანას - 70 მილიარდ დოლარს დო 2012 წანას - 73,73 მილიარდ დოლარს აკმადგინანდჷ.

საფონდო ოფაფურირედაქტირაფა

საფონდო ბირჟას მაიკროსოფტიშ ასეიანი აქციაშ ფასი რე 37,571 დოლარი. 1986 წანაშ 13 მელახის, მუჟამსჷთ მაიკროსოფტიქ მაართათ გემშართჷ საფონდო ბირჟაშა, კომპანიაშ დაჭყაფური აქციაშ ფასი რდჷ 21 დოლარი.

Microsoft-იშ ლოგოეფირედაქტირაფა

 
მაიკროსოფტიშ ლოგო 2012 წანაშახ
 
მაიკროსოფტიშ ლოგო 2012 წანაშე

რესურსეფი ინტერნეტისრედაქტირაფა