ტელემუნდოესპანურნინამი ოტელევიზიე რშვილი ააშ-ის, მაჟირა უდიდაში ესპანურნინამი ტელემაწარმაფალი მოსოფელს[1] დო თაშნეშე მაჟირა უდიდაში ესპანურნინამი ოტელევიზიე რშვილი ააშ-ს უნივისიონიშ (Univision) უკული.[2]

ტელემუნდო
Telemundo

ტელემუნდო
სლოგანი "Atrévete a más" (გაბედი უმოსი)
ქიანა ამერიკაშ აკოართაფილი შტატეფიშ შილა ააშ
უჭყაფაშ ზონა ალმაშარული, საირქიანო
დირსხუ 1954
დჷმარსხუაფალი ანხელ რამოსი
მინჯე NBCUniversal
მანჯღვერეეფი ემილიო რომანო — (პრეზიდენტი)
http://msnlatino.telemundo.com/]

ტელემუნდო 142 ოჰავე გჷნოჩამეფიშ, ოკაბელე დო ალმაშარული უჭყაფათ ფორუნს ესპანური დო ლათინოამერიკული მახორობაშ 58%-ის.[3] 2007 წანას, თიშ ომარე პრაიმ-ტაიმიშ ეთერს 1 035 000 ადამიერი უჯინედჷ. ტელემუნდო აკა ესპანურნინამი რშვილი რე, ნამუთ თე ოქიანუშ არძაშე უმოს ტელენოველას აწარმენს. ტელეარხიშ მიარე პროგრამა სუბ-ტიტრეფით მეურს მუჭოთ ინგლისურ, თაშნეშე ესპანურ ნინეფშა.[4]

ტელემუნდო 1954 წანას ოტელევიზიე დგჷმილამო ანხელ რამოსიქ დარსხუ პუერტო-რიკოშ ნანანოღა სან-ხუანს. კომპანიაშ მინჯე, ტელემუნდოშ კომუნიკაციეფიშ ბუნა (Telemundo Communications Group) NBC Universal-იშ ნორთი რე. ტელემუნდოშ პრეზიდენტი რე ემილიო რომანო. ტელეარხის დოსაქვარაფილი რე 1 800 ადამიერი;[5] ოდუდე ოფისი იდვალუაფუ ფლორიდაშ შტატის, მაიამიშ გალენუბან ჰაიალიას.[6] შოუეფიშ დო პროგრამეფიშ თარი ნორთი მაიამიშ სტუდიეფს იწარმებუ. 2011 წანას, ტელემუნდოშ ტელენოველეფიშ 85% თაშნეშე მაიამის იწარმებუ.[7]

თიში არძაშე გოხონარაფილი სერიალეფი რე La Tormenta (ძირაფილი რე 150 ქიანას), Bella Calamidades (110 ქიანა), ფორილი ვნება (Pasión De Gavilanes, 102 ქიანა), Zorro: La Espada y la Rosa (98 ქიანა), სო რე ელისა? (¿Dónde Está Elisa?, 90 ქიანა), დონა ბარბარა (Doña Bárbara, 80 ქიანა), Más Sabe el Diablo (75 ქიანა), ელენაშ მოძირაფა (El Fantasma de Elena, 70 ქიანა), ობჟათეშ დიაფალი (La Reina del Sur, 70 ქიანა), El Rostro de Analía (60 ქიანა).

რესურსეფი ინტერნეტის რედაქტირაფა

სქოლიო რედაქტირაფა