თარ მენიუშა მიშულა

YouTube (გჷმითქუალუ იუთუბი) — ვიდეო საიტი, სოდე მახვარებუეფს შეულებჷნა გეხარგუან ვარდა ართიანს გჷნუჯღონან მუსიკალური ვიდეოეფი. 2005 წანაშ ფურთუთას[1], PayPal-იშ სუმ ჸოფილ წორომახანდექ აკოქიმინეს იუთუბი, 2006 წანაშ გერგობათუთას - გუგლიქ ქიჸიდჷ თინა $1,65 მილიარდშა დო თეხანობას ხანდენს მუჭოთ გუგლიშა დოჸუნელი კომპანია. კომპანიაქ დირსხუ სან ბრუნოს, კალიფორნიას დო გჷმირინუანს Adobe Flash Player-ს დო HTML5 ტექნოლოგიას მახვარებუეფიშით გჷმობჟინაფილი მიარეფერუამი ვიდეომასალაშ გჷნაჩამალო, თინეფს შქას: კინო დო ოტელევიზიე კლიპეფი, მუსიკალური კლიპეფი, თაშნეშე ომაჸოროფე მასალეფი, მუჭომეფით რე ვიდეო ბლოგირაფა დო კუნტა ორიგინალური ვიდეოეფი. იუთუბის არძაშე უმოს მასალას ეთმეხარგანა ზოხო პიჯეფი, მარა მედია კორპორაციეფი, თინეფს შქას CBS, BBC, UMG დო შხვა ორგანიზაციეფი თავაზენა მახვარებუეფს მუნეფიშ ნაწარმის საიტიშ მეშქაშობათ, იუთუბწკჷმა წოროხანდაშ პროგრამაშ ფარგალეფს[2].

YouTube
იუთუბი
YouTube Logo 2017.svg
ტიპი: სქუალაფირი კომპანია, გგჯ
დევიზი: ინგ. Broadcast Youself
მარგ. იმაუჭყაფულე სქანით
დირსხუ: 14 ფურთუთა, 2005
დჷმარსხუაფალი: ჩად ჰარლი, სტივ ჩენი, ჯოუდ კარიმი
ორენი: სან ბრუნო, კალიფორნია
მინჯე: Google
ვებ-ხასჷლა: YouTube.com

სქოლიორედაქტირაფა

  1. ჰოპკინსი, ჯიმ. Surprise! There's a third YouTube co-founder. USA Today. კითხირიშ თარიღი: 2008-11-29.
  2. უებერი, ტიმ. BBC strikes Google-YouTube deal. BBC. კითხირიშ თარიღი: 2009-01-17.

რესურსეფი ინტერნეტისრედაქტირაფა

ვიკიოწკარუეს? რე ხასჷლა თემაშენ:

(ინგლ.) YouTube.com


  ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათ.