აბდურახმან ავტორხანოვი
აბდურახმან გენაზიშ (განაზიშ) სქი ავტორხანოვი (ჩეჩენ. Абдурахма́н Гена́зович (Гана́зович) Авторха́нов, დ. 23 გჷმათუთა, 1908, ლახა ნევრი, ჩეჩნეთი, რუსეთიშ იმპერია — ღ. 24 პირელი, 1997, მიუნხენი, გერმანია) — ჩეჩენი ჭარუ, ისტორიკოსი დო პოლიტოლოგი. ირკვიენდჷ უმოსო სსრრ-შ დო სხუნუეფიშ რსხუშ კომუნისტური პარტიაშ ისტორიას.
| აბდურახმან ავტორხანოვი | |
| დაბადებაშ თარიღი: | |
|---|---|
| დაბადებაშ აბანი: |
ლახა ნევრი, ჩეჩნეთი, რუსეთიშ იმპერია |
| ღურაშ თარიღი: |
პირელი 24, 1997 (88 წანერი) |
| ღურაშ აბანი: | |
| ერუანობა: | |
| საქვარუა: | |
| ნინა: | |
ავტორხანოვქ დებადჷ ჩეჩნეთიშ ჭიჭე ოფუტეს ლახა ნევრის. 1927 წანას ქაკათჷ სსრრ-შ კომუნისტურ პარტიას, სოდეთ უკინებუდჷ მაღალი პარტიული პოსტი. 1937 წანას ავტორხანოვქ გათუ პრესტიჟული ჭითა პროფესურეფიშ ინსტიტუტი, სოდეთ რუსულ ლიტერატურას გურაფულენდჷ. სტალინიშ დიდი ტერორიშ ბორჯის, 1937 წანას ავტორხანოვი ოჭოფეს დო ჯიხას ქუდახუნეს. 1942 წანას ჯიხაშე გოუტეს დო ქუდავალეს ანტი-კომუნისტური ჩეჩნური ჸარაფიშ ინფილტრაცია. მაჟირა მოსოფელიშ ლჷმაშ ბორჯის ავტორხანოვი ოჭოფუ გესტაპოქ, მარა მალას გოუტეს. ლჷმაშ თებაშ უკულ, ავტორხანოვქ გერმანიას ქუდოსქიდჷ, სოდეთ ღურაშახ ცხოვრენდჷ.
აბდურახმან ავტორხანოვი, 1951 წანას რდჷ რადიო დუდიშული ევროპა/რადიო დუდიშალაშ ართ-ართი დუმარსხუაფალი.
ავტორხანოვიშ ომენცარე ინტერესეფიშ სფერო რდჷ: სსრრ-შ ისტორია, კომუნისტური პარტიაშ ისტორია დო კავკაციაშ ისტორია.
აბდურახმან ავტორხანოვი რე ავტორი შხვადოშხვა წინგეფიშ, სტატიეფიშ დო პუბლიკაციეფიშ. 1951 წანას გიშართჷ წიგნიქ "სტალინიშ ხეშულობა" ფრანგულ ნინაშა. ჸათე ნახანდის ავტორი ეთმოჭარუნს სტალინურ რეპრესიეფს. ავტორხანოვიშ წინგის "სტალინი დო კომუნისტური პარტია" უღჷ დიდი შანულობა სტალინიშ პოლიტიკური ცხოვრებაშ დო სსრრ-შ პარტიული აპარატიშ რკვიებაშო.
ავტორხანოვი რდჷ ართ-ართი მაართა ავტორი, ნამუთ ანტკიცენდჷ ნამდა სტალინი ჸვილუ ბერიაქ.
სსრრ-შ აკოცჷმაშახ, 1991 წანას, ჩეჩნეთ-ინგუშეთიშ ავტონომიური რესპუბლიკაქ ავტორხანოვს გინოჩჷ საპატიო მენოღალობაშ ტიტული.
აბდურახმან ავტორხანოვქ ღურუ მიუნხენს, 1997 წანაშ 24 პირელს, 88 წანერქ.
გიშნაგორა პუბლიკაციეფი
რედაქტირაფა- К основным вопросам истории Чечни: к десятилетию Советской Чечни (1930)
- Alexandre Ouralov (pseud.), Staline au pouvoir (Paris: Les Iles D'Or, 1951)
- Технология власти (München: ЦОПЭ, 1959)
- The Communist Party Apparatus (Chicago: H. Regnery, 1966)
- Загадка смерти Сталина: заговор Берия (Frankfurt/Main: Possev-Verlag, 1976)
- Сила и бессилие Брежнева (Frankfurt/Main: Possev-Verlag, 1979)
- Мемуары (Frankfurt/Main: Possev-Verlag, 1983)
- От Андропова к Горбачеву: Дела и дни (Paris: YMCA-Press, 1986)
- Ленин в судьбах России: Размышления историка (Garmisch-Partenkirchen: Prometheus-Verlag, 1990)
- The North Caucasus Barrier: The Russian Advance Towards the Muslim World (New York: St Martin, 1992)
რესურსეფი ინტერნეტის
რედაქტირაფა- ბიოგრაფიული ფაქტეფი (რუსულო)
- ავტორხანოვიწკჷმა ინტერვიუ Archived 2022-03-31 ვებ-ხასჷლას Wayback Machine. (რუსულო)