აბელიშ პრემია

აბელიშ პრემია (ნორვ. Abelprisen) — რე პრემია მათემატიკაშ დარგის. პრემიას ნორვეგიაშ მაფა ირ წანას გინმოჩანს გიშარჩქინელ მათემატიკოსეფს. პრემია შინელი ნორვეგიალი მათემატიკოსიშ ნილს ჰენრიკ აბელიშ (1802–1829) ჯოხონობაშ რე.

პრემიაშ დორსხუაფაშ იდეაქ გორჩქინდჷ 1899 წანას. 1902 წანას შვედეთიშ დო ნორვეგიაშ მაფა ოსკარ II-ს უღუდჷ ინიციატივა პრემიაშ დაფინანსებაშ გეშა, მარა შვედეთიშ დო ნორვეგიაშ რსხუქ აკოცუ დო პრემიაშ დორსხუაფაშ იდეაქ ხოლო მედინჷ. დოხოლაფირო ართი ოშწანურაშ ოკულ, 2001 წანას ნორვეგიაშ თარობაშ ინიციატივათ დირსხუ ნილს ჰენრიკ აბელიშ ჯოხოდვალაშ პრემიაქ, მუჭოთ ნობელიშ პრემიაშ ექვივალენტიქ მათემატიკაშ დარგის.

აბელიშ პრემიაშ გინოჩამაშ ცერემონია იმანჯებჷ ოსლოშ უნივერსიტეტის. პრემია იკათუანს ფინანსური ჯილდოს 7.5 მლნ. ნორვეგიული კრონიშ მუდანობათ.

ქოძირით თაშნეშე

• ფილდსიშ მენდალი

რესურსეფი ინტერნეტის

ვიკიოწკარუეს^? რე ხასჷლა თემაშენ:

აბელიშ პრემია

• ოფიციალურო ვებსაიტი
• აბელიშ სიმპოზიუმიშ ოფიციალური ვებსაიტი