აბუჯა (ინგლ. Abuja, იორუბა Abùjá) — 1991 წანაშ 12 ქირსეთუთაშე ნიგერიაშ ნანანოღა. თეიშახ ქიანაშ ნანანოღა ლაგოსი რდჷ. აბუჯა ორდოიანი ნანანოღაშ ოორუეშე 800 კმ-შ მალობას იდვალუაფუ. ნოღაშ მახორობა 778 567 ადმ. (2006), აგლომერაციაშ მახორობა — მეხოლ. 1,4 მლნ ადამიერი (2005).
მეჩეთი აბუჯას
აბუჯა ნიგერიაშ ცენტრალური ნორთის სქვამი სტეპურ ლეხერს იდვალუაფუ, პლატო ჯოსის. თე რაიონი ელაზჷმაფათ დაღარას გოვითარაფილი დო ეთნიკურო ნეიტრალური რე. ახალი ნანანოღაშო აბანიშ გიშაგორალო, ნიგერიაშ პრეზიდენტი მურტალა მუჰამედი ინჭაფუდჷ თიჯგურა ნოღაშ აკოქიმინუაშო, ნამუსჷთ ვადომინირენდჷკონ ოკო ნამუთიჸინი ეთნიკური, სოციალური დო რელიგიური ბუნა[1].
