აბუ აიმან ალ-ირაკი
ადნან ლატიფ ჰამიდ ას-სუვეიდავი, უმოსო რჩქინელი რდჷ მუშ ახალი ჯოხოთ აბუ აიმან ალ-ირაკი — სადამ ჰუსეინიშ ბორჯიშ ერაყიშ არმიაშ ჸოფილი ოურდუმე ოფიცერი, 2003 წანაშ ამერიკაშ ერაყშა მიშაჭკირუაშ დო ერაყიშ ლჷმაშ დოჭყაფაშ ბორჯის, ტერორისტულ ორგანიზაცია ერაყიშ ისლამურ სახენწჷფოს ქაკათჷ, მოგვიანაფათ — ერაყიშ დო ლევანტიშ ისლამური სახენწჷფოს ქაკათჷ დო ართ-ართ უმაღალაშ ოურდუმე მოღალეთ გჷნირთჷ. 2007 წანას, თინა ამერიკალეფქ ოჭოფეს დო მიდეჸუნეს კემპ-ბუკაშ ბანაკშა, სოდეთ 2010 წანაშა ხედჷ. მუჟამსჷთ გადუდიშულესჷნ, ისლამურ სახენწჷფოშ თარ ოურდუმე მადუდეთ გჷნირთჷ. სირიაშ ომენოღალე ლჷმაშ დოჭყაფაშე დო თიშა ისლამურ სახენწჷფოშ კათაფაშე თინა ისლამურ სახენწჷფოშ „არმიას“ დუდენდჷ, ზუსტას აიმან ალ-ირაკიქ ზოჯჷ სირიაშ ოპოზიციაშ შხვა ბუნეფიშ ლიდერეფიშ ჸვილუა, კერზოთ — დუდიშული სირიაშ არმიაშ ლიდერეფიშ.[1][2] თიშ უმკუჯინალო, ნამჷ-დამ ალ-ირაკი ისლამური სახენწჷფოშ „დუდთხილუაშ მინისტრი“ რდჷნ, თიშ გეშა მერკე ინფორმაცია რე დო თინა „რუმე პერსონათ“ დო „შქირ კარიდინალო“ იკოროცხუდჷ.[3] 2014 წანაშ 7 გერგობათუთას, მოსულს კოალიციურ ნძალეფიშ ავიაიერიშეფიშ ბორჯის დოღურჷ.
| *ადნან ლატიფ ჰამიდ ას-სუვეიდავი | |
|---|---|
| *უჩინებუ - 2003 2007 - 2014 | |
 | |
| დაბ. აბანი | ღურთუთა, 1965 ანბარი, ერაყი |
| ღურ. აბანი | გერგობათუთა 7, 2014 (49 წანერი) |
| რხველაფა | .svg){kind=small} ერაყი |
| წოდება | პოლკოვნიკი,  ისლამური სახენწჷფოშ ოურდუმე სხუნუშ უნჩაში
|
| ჩხუპეფი/ლჷმეფი | 1. ერაყიშ ლჷმა |
სქოლიო
რედაქტირაფა- ↑ Profile: The Rise of the Islamic State (IS) (12 July 2014). კითხირიშ თარიღი: 2 November 2014.
- ↑ Abu Ayman al-Iraqi (2014). კითხირიშ თარიღი: 2 November 2014.
- ↑ A Late-Night Phone Call Between One Of Syria’s Top Extremists And His Sworn Enemy. Buzzfeed (4 April 2014). კითხირიშ თარიღი: 2 November 2014.