აბუ ნუვასი
ალ-ჰასან იბნ ჰანი ალ-ჰაქამი აბუ ნუვასი (არაბ. أبو نواس الحسن بن هانئ الحكمي; დ. 756, აჰვაზი — ღ. 814, ბაღდადი) — არაბი პოეტი.[1] ნანათ (კანკალე წყუშ მეჯინათ მუმათ ხოლო) სპარსი რდჷ, მუქთ გორკვიაფილი ნოქური დიტუ აბუ ნუვასიშ ნახანდეფს. კანკალეშა თეთ ეთმენწყუნა შუუბიური იდეეფიშ ართსახობურ გოლინას თიშ პოეზიაშა. ოხორანდჷ ბასრას. უკულ ბაღდადშა გეგნორთჷ, სოდე ხალიფა ჰარუნ ალ-რაშიდიშ კარს პოეტო გჷნირთჷ. ართ ბორჯის ეგვიპტეს რდჷ ამირ ალ-ხასიბიშ კარს, ეკონია წანეფი ბაღდადის გატარჷ ხალიფა ალ-ამინწკჷმა. დუდშეკებული რინაშ დო ისლამიშ დღანებაშ გეშა მუსხირენშა ხედჷ ორუმეს. ხალიფა ჰარუნ ალ-რაშიდწკჷმა ართო აბუ ნუვასი „ვითოში ართი სერიშ“ პოპულარული პერსონაჟი რე. აბუ ნუვასიშ დივანი არაბული პოეზიაშ ტრადიციული ჟანრეფიშ მოხ ახალ ჟანრეფს ხოლო იკათუანს. კასიდიშ კანკალე მოტივი აბუ ნუვასიქ ზოხორინელ ჟანრო გჷნართინუ. თეჯგურა რე ტარდიათი ანუ მეჯინობაშ თემაშე ჭარილი ლერსეფი დო ხამრიათი — ღვინიშ, სარხინე პოეზია. თიში ცქვაფეფი ენძღვიებუ აბასიანეფიშ დინასტიაშ წჷმმარინაფალეფს დო შხვა გიშარჩქინელ პიჯეფს, ღაზალეფი — უმენტაშო ბოშეფს. აბუ ნუვასი არაბული ლიტერატურაშ ისტორიას ჩუნებული რე მუჭოთ გჷნმაახალაფარი.
| აბუ ნუვასი | |
 აბუ ნუვასი | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | |
| ღურაშ აბანი: | |
| ერუანობა: | |
| საქვარუა: | |
| ჟანრი: |
შუმა-ჭკომუაშ ბირეფი, პანეგირიკეფი, ოჸოროფე ლირიკა, სატირეფი, ელეგიეფი, ომაჯინე თხობელუეფი |
თინა ცადენდჷ აკუქიმინუდკო წორობორჯული რინაშ იდეალეფიშ მანგი პოეზია. პროტესტი არაბული პოეზიაშ მოჯვეშებული ტრადიციეფიშ სააწმარენჯოთ გიშაკერძაფილო ჯგირო გჷმოხანტჷ მუშ ხამრიათის, ნამუსჷთ ღვინი შურიელი დო ხორციელი ხიოლიშ უმაღალაში წყუ რე, სისქვამე, სიგემუანეშ სიმბოლო. ღვინიშ ჰიმნი კანკალეშა ფურე ექსტაზშა გინმურს (თეჸურე აბუ ნუვასქ გორკვიაფილი გოლონა იღვენუ არაბულ მისტიციზმის), რელიგიური თემა თიშ ღვინიშ ლერსეფს ცინიზმით რე გოფერილი. აბუ ნუვასიშ პოეზიას ჯგირო რე გეხუნელი არაბული პოეტური არზუანობაშ ართი მუშობურობა: საგანიშ ნამუდგაიჸინ მუშობურობა თიშ ლერსეფს შხირას თე საგანიშ სიმბოლოთ, პოეტურ გიშაჩინებათ მუთმოფხვადჷნა. სამანგათ, „ჭითა“, „ჯვეში“, შანენს ღვინს. აბუ ნუვასიშ ლერსეფი მერკე მუსიკალობათ გიშეგორუაფუ.
რესურსეფი ინტერნეტის
რედაქტირაფა- აბუ ნუვასი (რუს.) — სტატია დიდი სხუნუეფიშ ენციკლოპედიაშე
- აბუ ნუვასი (ინგლისური) — სტატია ენციკლოპედია ბრიტანიკაშე
ლიტერატურა
რედაქტირაფა- ფურცელაძე, ნ., ქორთული სხუნუეფიშ ენციკლოპედია, ტ. 1, ხს. 46-47, ქართი, 1975 წანა.
- Фильштинский И. М., Арабская классическая литература, М., 1965;
- Wagner E., Abu-Nuvas, Wiesbaden, 1965.
- Esat Ayyıldız. "Ebû Nuvâs’ın Şarap (Hamriyyât) Şiirleri". Bozok Üniversitesi İlahiyat Fakültesi Dergisi 18 / 18 (2020): 147-173.
- ↑ Esat Ayyıldız. "Ebû Nuvâs’ın Şarap (Hamriyyât) Şiirleri". Bozok Üniversitesi İlahiyat Fakültesi Dergisi 18 / 18 (2020): 147-173.