ავტოკეფალია

ავტოკეფალია (ბერძენ. ავტოს – კინ მუ დო კეფალე – დუდი), მართლმადიდებლობას: ართი აბანური ოხვამეშ ზოხორინალა მაჟირაშე; მაართა ავტოკეფალიური ოხვამეეფქ წჷმიქიმინჷ რომიშ იმპერიას დო თიშ მეძობელ ქიანეფს. IV ოშწანურას აკიქიმინჷ ოთხი ავტოკეფალიური ოხვამექ: კონსტანტინოპოლიშ, ალექსანდრიაშ, ანტიოქიაშ, იერუსალიმიშ, მოგვიანაფათ ანტიოქიაშე გეგშერთჷ კვიპროსიშ დო ქორთული ოხვამეეფქ. ასე არსებენს 15 ავტოკეფალიური მართლმადიდებლური ოხვამე: ალბანეთიშ, ალექსანდრიაშ, ამერიკაშ, ანტიოქიაშ, ბულგარეთიშ, საქორთუოშ, იერუსალიმიშ, კვიპროსიშ, კონსტანტინოპოლიშ, პოლონეთიშ, რუმინეთიშ, რუსეთიშ, სერბეთიშ, ჩეხეთიშ დო ელადაშ (ბერძრნული) ოხვამეეფი. ქორთული ავტოკეფალია ოხვამური დიფტიქით მაამშვა რე.

თაშნეშე ქოძირით

• ავტოკეფალური მართლმადიდებელი ოხვამეეფი

რესურსეფი ინტერნეტის

• Autocephaly, OrthodoxWiki-შ სტატია
• Autocephali Catholic Encyclopedia-შ სტატია
• Charles Wegener Sanderson, Autocephaly as a Function of Institutional Stability and Organizational Change in the Eastern Orthodox Church