ოხვამე
ოხვამე ვარდა ქირსიანული ოხიდა — საკულტე დგჷმილი, ქირსიანობაშ აკოშაყარუაშო გიშართილი აბანი, სოდე დუდიშდოჩანაფა დი შხვა რელიგიური რიტუალეფი იხორციელებუ. რჩქვანელობურო, ნოღაშ ვარდა მონასტერიშ თარ ოხიდას უძახჷნა ოკათედრე ოხიდას, სოდე იდვალუაფუ ეპისკოპოსიშ კათედრა. უმენტაშო ოხვამეეფის ემაღალაფირ აბანეფს აკმაგანდეს. თარო ოხვამეეფიშ გეგმა ჯვარიშ ფორმაში რე.
უჯვეშაში ოხვამე, ნამუთ იდენტიფიცირაფილი რენ, ითარიღებუ 233–256 წანეფით, თინა ჸუდეშ ტიპიშ დგჷმილი რდჷ. XI–XIV ოშწანურეფს დიდი მასშტაბეფით მიშჷ ოკათედრე ოხიდეეფიშ დო შხვა ტიპიშ ოხვამეეფიშ აკოგაფა ბჟადალ ევროპას.
საქორთუოს ქირსიანობაშ გოფაჩუაწკჷმა ეართო დიჭყჷ ოხვამეეფიშ აკოგაფაქ. უჯვეშაშ ოხვამეეფო იკოროცხუ ჯვეში შუამთაშ კომპლექსშა მიშმალი ბაზილიკა (V ოშწანურა), ბოლნისიშ სიონი (478–493), ურბნისიშ სიონი (V–VI ოშწანურეფი), ანჩისხატი (VI ოშწანურა) დო ნეკრესიშ მონასტერი (თიშა მიშმალი IV ოშწანურაშ ოხვამე).[1]
ლიტერატურა
რედაქტირაფა- Levy, Patricia (2004). Cathedrals and the Church. Medieval World. North Mankato, MN: Smart Apple Media. ISBN 1-58340-572-0.
- Krieger, Herman (1998). Churches ad hoc. PhotoZone Press.