ალან რიკმანი
ალან სიდნი პატრიკ რიკმანი (ინგლ. Alan Sidney Patrick Rickman; 21 ფურთუთა, 1946 — 14 ღურთუთა, 2016) — ინგლისარი კინოშ დო თეტრიშ არტისტი.
| ალან რიკმანი | |
 | |
| დაბადებაშ ჯოხო | ალან სიდნი პატრიკ რიკმანი |
| დაბადებაშ აბანი | ლონდონი, გოართიანაფილი ომაფე |
| დებადჷ | 21 ფურთუთა, 1946 |
| ღურჷ | 14 ღურთუთა 2016 ლონდონი, გოართიანაფილი ომაფე |
| საქვარუა | არტისტი |
| აკოქიმინჯალაშ წანეფი | 1978-2016 |
| ალმასქუ(ეფი) | რიმა ჰორტონი (1978-2016) |
| ორქოშ გლობუსიშ ჯილდოეფი | |
|---|---|
| ორქოშ გლობუსი | |
| BAFTA ჯილდოეფი | |
| BAFTA | |
ბიოგრაფია
რედაქტირაფაალანი ფანიას მაჟირა სქუა რდჷ (არტისტის ჸუნდ და დო ჟირი ჯიმა). ალანიშ ნარაგადით თინა მაოცნებე ბაღანა რდჷ დო ირო მუნაფეფს გილაფურინუნდჷ. 8 წანაშ ასაკის არტისტიშ მუმაქ კიბოთ ღურჷ, მუთ თიშო ძნელი გინაღალარი რდჷ. ალანიშ მუმა ხანტუ რდჷ დო მუ გასაჩემებელი რე, ნამდა არტისტის ხანტუაშ ნიჭიქ ქაჸუნჷ: ბაღანობაშე გიშაკერძაფილო ჯგირო გიშალედჷ აკვარელით ხანტუა. თეატრიშ ჸოროფა ოსკოლე სპექტაკლეფქ გოუკურცხინუ: მარა არძაშე უმოსი გოლინა თიშ ოცნებას, რდჷკო არტისტინ, ლატიმერიშ სკოლაქ იმოქიმინჯჷ, სოდეთ ალანი 11 წანაშე 18 წანაშა გურაფლენდჷ. სკოლაშ თებაშ უკული ალანქ გურაფა ხელუანობაშ ომაფე კოლეჯის (Royal College of Art) გაგინძორჷ გრაფიკული დიზაინიშ ფაკულტეტის, სოდეთ სუმი წანას გურაფლენდჷ. თაქ გეჩინებაფუ არტისტიქ მუში ჩილი რიმა ჰორტონი. თინეფი ართო აკათეს "Brook Green Players" ბუნას. 1968 წანას, კოლეჯიშ თებაშ უკული ალანი ბრელი გრაფიკულ პროექტის მუშენდჷ დო საბოლათ მაჸალეეფწკჷმა ართო სოჰოს დარსხუ კომპანია Graphiti. ედომუშამი ათე ხანიშ გოძვენას ალანი ისქილიდუანდჷ რცხუს "Court Drama Group"-წკჷმა, სოდეთ მიარე როლი ასრულჷ.
25 წანაშ ასაკის ალანქ საბოლათ გინოჭყვიდჷ არტისტალა დო ჭარილი ოჯღონჷ დრამატული ხელუანობაშ ომაფე აკადემიაშა თხუალათ, მურჩქილუდესკო თიშა დო საბოლათ წჷმოძინათ აბარჷ ქოთ. დიდაქ ალუდირთჷ თიშ გინოჭყვადირუას, უგურუაფუდკო დრამაშ ხელუანობა. აკადემიას ალანქ სუმი წანა გატარჷ დო უმაღალაში სტიპენდიათ დეინალუ, გეძინელი მიშნაველიშ მიოღებელო კოსტიუმერო მუშენდჷ. აკადემიაშ თებაშ უკული ალანქ მალას გინირთჷ ართ-ართი მაყონაფალ არტისტო ლონდონიშ სცენას. სპექტაკლ „ოშქურანჯ რცხუეფს“ სრულებური ვალმონტიშ როლქ სენსაციათ გინირთჷ: სპექტაკლიშ პლაკატეფი მაართათ იჸუ თეატრიშ ადმინისტრაციაშო ზოხო მიშნაველიშ წყუ. 1986 წანას წჷმორინაფაქ ჭანაფილქ იჸუ ბროდვეის, სოდეთ რიკმანს პროდიუსერ ჯოელ სილვერქ მიოგორუ დო „ჸონიერი ნეძის“ თარი უბადოშ მაქიმინალიშ როლი მიარზიუ. ტერორისტ ჰანს გრუბერიშ როლქ ალანს მოსოფელიშ მასშტაბით ჯოხო მუპალუ დო ეთიწკჷმა ართო მოუსპჷ ეკრანს ვალმონტიშ გასახიერებაშ საშუალება: ფილმიშ პროდიუსერეფქ ვაგარისკეს ათე როლს ბოევიკიშ „გლახა ბოშიშ“ ეჭოფუა.
ფილმ „რობინ ჰუდის“ გინოღალირი მასალაშ დამუშებას კევინ კოსტნერქ მემონტაჟეეს დაკუნტარებაფუ რიკმანიშ როლი, თიშენ ნამდა ოშქურუდჷ, თინა დაორენდჷნ.
1997 წანას რიკმანქ ნძალეფი რეჟისურასჷთ ამორსჷ. თიქ გინიღჷ ძალამი გურიშ ამაჩქიჩქარებელი ფილმი „ზოთონჯიშ სუმარი“, სოდეთ თარ როლს ემა ტომპსონი არსულენდჷ. ფილმიქ ვენეციაშ კინოფესტივალიშ ჯილდოშ მოხ, ხოლო მუსხირენ პრემია მიღჷ. 2000 წანას ალანქ გახონარჷ ჭიჭე ჸალა ჩხომი ჯო მულტფილმის „ქიმმეხვარით! მა ჩხომი ვორექ“. ალანი ოჯარე რინასჷთ ძალამი აქტიურო რდჷ ჩართული: თინა ალურდჷ ლეიბორისტულ პარტიას, ოხვარუდჷ თიჯგურა ორგანიზაციეფს, მუჭომეფით რენა Amnesty International დო "Children on the Edge". 2001 წანას ილაჸაფჷ ნოელ კოვარდიშ პიესაშ მეჯინათ დოდგჷმილ სპექტაკლის "Private Lives". პიესა 2002 წანაშ 6 ღურთუთაშა თეატრეფიშ სცენეფიშე ვაგჷმურთუმჷ.
რიკმანქ თარი როლი ასრულჷ რობერტ სტურუაშ "ჰამლეტის" "Riverside Studio"-ს. რობერტ სტურუაწკჷმა მუშობას ალან რიკმანი სუმშა რდჷ საქორთუოს: მაართათ შორიშ 1979 წანას, მაჟირაშა დო მასუმაშა ვიზიტეფს შქას უმოს კუნტა ხანიშ გოძვენას: 2007 დო 2009 წანას დო რუსთაველიშ თეატრიშ სცენასჷთ გიშართჷ.
ფილმოგრაფია
რედაქტირაფა| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1978 | ფ | რომეო დო ჯულიეტა | Romeo and Juliet | ტიბალტი |
| 1988 | ფ | ჸონიერი ნეძი | Die Hard | ჰანს გრუბერი |
| 1991 | ფ | რობინ ჰუდი: მახინჯეფიშ მაფასქირი | Robin Hood: Prince of Thieves | ნოტინჰემის შერიფი |
| 1991 | ფ | წორო, ხანგურო, ტომბას | Truly, Madly, Deeply | ჯეიმი |
| 1995 | ფ | გინაფა დო გონება | Sense and Sensibility | პოლკოვნიკი ბრენდონი |
| 1988 | ფ | ჸონიერი ნეძი 2 | Die Hard with a Vengeance | ჰანს გრუბერი |
| 1996 | ფ | მაიკლ კოლინზი | Michael Collins | ემონ დე ვალერა |
| 2000 | ფ | ქიმმეხვარით! მა ჩხომი ვორექ | Help! I'm a Fish | ჯოი |
| 2001 | ფ | ჰარი პოტერი დო ფილოსოფიური ქუა | Harry Potter and the Philosopher's Stone | სევერუს სნეიპი |
| 2002 | ფ | ჰარი პოტერი დო ფულირი ოთახუ | Harry Potter and the Chamber of Secrets | სევერუს სნეიპი |
| 2003 | ფ | ნანდული ჸოროფა | Love Actually | ჰარი |
| 2004 | ფ | ჰარი პოტერი დო აზკაბანიშ ჯალი | Harry Potter and the Prisoner of Azkaban | სევერუს სნეიპი |
| 2005 | ფ | ჰარი პოტერი დო დაჩხერამი ნარგისი | Harry Potter and the Goblet of Fire | სევერუს სნეიპი |
| 2006 | ფ | სუნანო: ჸვილუაშ ისტორია | Perfume: The Story of a Murderer | ენტონი რიჩისი |
| 2007 | ფ | სუინი ტოდი: დემონი-დალაქი ფლიტ-სტრიტიშე | Sweeney Todd: The Demon Barber of Fleet Street | მოსამართლე ტურპინი |
| 2007 | ფ | ჰარი პოტერი დო ფენიქსიშ ორდენი | Harry Potter and the Order of the Phoenix | სევერუს სნეიპი |
| 2009 | ფ | ჰარი პოტერი დო გვერდზისხირამი მაფასქირი | Harry Potter and the Half-Blood Prince | სევერუს სნეიპი |
| 2010 | ფ | ჰარი პოტერი დო ღურაშ ოჩუქერეფი - ნორთი 1 | Harry Potter and the Deathly Hallows – Part 1 | სევერუს სნეიპი |
| 2011 | ფ | ჰარი პოტერი დო ღურაშ ოჩუქერეფი - ნორთი 2 | Harry Potter and the Deathly Hallows – Part 2 | სევერუს სნეიპი |
პიჯული რინა
რედაქტირაფარიმა ჰორტონწკჷმა არტისტი კოლეჯიშე მოჸუნელი ოხორანდჷ; მიარეშა გისიმუ ხონარქ თინეფიშ დათხიაშ გეშა, მარა მართალი ვარდჷ. ალანი იჩიებუდჷ, ნამდა თის რთული ხასიათი უღჷ, მარა რიმას ყურებაშ დიდი უნარი უღჷ. რიკმანს სქუალეფი ვაჸუნდჷ. არტისტიშ ნარაგადით, თის თეშ უყორს თეატრი დო სქუალეფშა ვემკაჯინედჷ, მუშ გურშენით მუხოლო დეტანჯებუდჷ დო მუში ფანიათ.
რესურსეფი ინტერნეტის
რედაქტირაფა
- (ინგლისური) ალან რიკმანი — კინოფილმეფიშ ინტერნეტ მუნაჩემეფიშ ბაზას
- ალან რიკმანი საიტის AllRovi
- Alan Rickman at Emmys.com