ალბასეტეშ პროვინცია

ალბასეტე (ესპ. Provincia de Albacete) — პროვინცია ცენტრალურ ესპანეთის, კასტილია-ლა-მანჩაშ ავტონომიური გოართოიანაფაშ ობჟათე ნორთის. 2012 წანაშ მუნაჩემეფით პროვინციას ოხორანს 402,837 ადანიერი დო თის მახორობაშ მუდანობათ ესპანეთიშ პროვინციეფიშე 35-ა აბანი უკინებჷ. ფართობიე 14,858 კმ² (მაჩხორა აბანი ესპანეთის). ალბასეტეშ პროვინციაშ ნანანოღა რე ალბასეტე, ნამუთ იდვალუაფჷ მადრიდიშე 262 კმ.-იშ მაშორას.

ალბასეტეშ პროვინცია ესპანეთიშ რუკას

ალბასეტეშ პროვინციას უხურგანს გრანადაშ, ალიკანტეშ, ვალენსიაშ, კუენკაშ, სიუდად-რეალიშ, ხაენიშ პროვინციეფი დო მურსიაშ რეგიონი. პროვინცია დორთილი რე 87 მუნიციპალიტეტო დო 7 რაიონო. პროვინციაშ უდიდაში ნოღეფიე: ალბასეტე, ელიინი, ვილიარობლედო, ალმანსა, ლა-როდა დო კაუდეტე. პროვინციაშ უდიდაში წყარმალუე ხუკარი ნამუთ ალბასეტეშ პროვინციაშ ოორუე-ბჟაეიოლ ტერიტორიას გიშმურს.

მახორობა

პროვინციაშ მახორობაშ მუდანობა წანეფიშ მეჯინათ

ქოძირით თაშნეშე

• ესპანეთიშ პროვინციეფი

რესურსეფი ინტერნეტის

• ოფიციალური ვებსაიტი