ალბერტ სეიბინი
ალბერტ ბრიუს სეიბინი (ინგლ. Albert Bruce Sabin; დაბადებაშ ჯოხო აბრამ საპერშტეინი, დ. 26 მარაშინათუთა, 1906, ბელოსტოკი, რუსეთიშ იმპერია (ასეიან პოლონეთი) — ღ. 3 მელახი, 1993, ვაშინგტონი, ააშ) — პოლონარი-ამერიკალი ვირუსოლოგი დო იმუნოლოგი, პოლიომელიტიშ ორალური ვაქცინაშ გჷმმაგონებელი. გურაფულენდჷ ვირუსოლოგიას ნიუ-იორკიშ უნივერსიტეტის. გურაფაშ თებაშ უკულ მუშენდჷ პრევენციული მედიცინაშ ლისტერიშ ინსტიტუტის დო როკფელერიშ მედიცინაშ რკვიებაშ ინსტიტუტის. 1939 წანას გეგნორთჷ ცინცინატიშ პედიატრიულ ჰოსპიტალშა. მაჟირა მოსოფელიშ ლჷმაშ ბორჯის გიმიგონჷ იაპონური ენცეფალიტიშ ვაქცინა. 1946 წანაშე სეიბინი რდჷ ცინცინატიშ უნივერსიტეტიშ პედიატრიული რკვიებეფიშ ცენტრიშ დირექტორი. 1969-1972 წანეფს ალბერტ სეიბინი ცხოვრენდჷ ისრაელს, სოდეთ მუშენდჷ ვეიცმანიშ ინსტიტუტიშ დირექტორო. ამერიკაშა დორთინაშ უკულ, 1974-1982 წანეფს სეიბინი რდჷ ობჟათე კაროლინაშ ომედიცინე უნივერსიტეტიშ პროფესორი. ალბერტ სეიბინი რდჷ რობერტ კოხიშ პრემიაშ, ფელტრინელიშ პრემიაშ, ჰოვარდ ტეილორ რიკეტსიშ პრემიაშ დო შხვა ჯილდოეფიშ ლაურეატი. 1970 წანას გინოჩეს მენცარობაშ ერუანული მენდალი დო 1986 წანას დუდიშალაშ ოპრეზიდენტე მენდალი. ალბერტ სეიბინიშ ჯოხონობაშ რე სეიბინიშ ვაქცინაშ ინსტიტუტი, ნამუქჷთ დირსხუ 1993 წანას, ვაშინგტონს.
| ალბერტ სეიბინი | |
| ინგლ. Albert Sabin | |
 | |
| დაბადებაშ თარიღი: | |
|---|---|
| დაბადებაშ აბანი: |
ბელოსტოკი, რუსეთიშ იმპერია (ასეიან პოლონეთი) |
| ღურაშ თარიღი: |
მელახი 3, 1993 (86 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჩინებული რე მუჭოთ: |
პოლიომელიტიშ ორალური ვაქცინაშ გჷმმაგონებელი |
| ჯილდოეფი დო პრემიეფი: |
ედვარდ ჯონსონიშ პრემია (1941) |
რესურსეფი ინტერნეტის რედაქტირაფა
- Dr. Albert Sabin's Discovery of the Oral Polio Vaccine, Cincinnati Children's Hospital Medical Center
- Sabin Vaccine Institute
- Hauck Center for the Albert B. Sabin Archives, University of Cincinnati
- The Albert B. Sabin Digitization Project Blog, University of Cincinnati
- The Albert B. Sabin Archives Digital Collection, University of Cincinnati