ალენ დალესი
ალენ უელშ დალესი (ინგლ. Allen Welsh Dulles; დ. 7 პირელი, 1893 — ღ. 29 ღურთუთა, 1969) — ამერიკალი იურისტი, ცენტრალური ოთოლორე სააგენტოშ დირექტორი 1953-1961 წანეფს. თიში უნჩაში ჯიმა რდჷ ჯონ ფოსტერ დალესი, ნამუთ მოღალენდჷ ააშ-იშ სახენწჷფო მელამოსეთ 1953-1959 წანეფს.
| ალენ დალესი Allen Dulles | ||
 | ||
| ცენტრალური ოთოლორე სააგენტოშ მა-5 დირექტორი | ||
|---|---|---|
| პოსტის გერინაშ ბორჯი | ||
| 26 ფურთუთა, 1953 – 29 გერგობათუთა, 1961 | ||
| პრეზიდენტი | დუაიტ ეიზენჰაუერი ჯონ ფიცჯერალდ კენედი | |
| წიმოხონი | უოლტერ ბედელ სმიტი | |
| მონძე | ჯონ მაკკოუნი | |
ცენტრალური ოთოლორე სააგენტოშ დირექტორიშ გამაკოჩი | ||
| პოსტის გერინაშ ბორჯი | ||
| 23 მარაშნათუთა, 1951 – 26 ფურთუთა, 1953 | ||
| პრეზიდენტი | ჰარი ტრუმენი დუაიტ ეიზენჰაუერი | |
| წიმოხონი | უილიამ ჰარდინგ ჯექსონი | |
| მონძე | ჩარლზ პიერ კებელი | |
ცენტრალური ოთოლორე სააგენტოშ ოპერაციეფიშ დირექტორიშ გამაკოჩი | ||
| პოსტის გერინაშ ბორჯი | ||
| 4 ღურთუთა, 1951 – 23 მარაშინათუთა, 1951 | ||
| პრეზიდენტი | ჰარი ტრუმენი | |
| წიმოხონი | პოსტიქ გიჭყჷ | |
| მონძე | ფრენკ უისნერი | |
| დუნაბადი | 7 პირელი, 1893 უოტერთაუნი, ნიუ-იორკი, ააშ | |
| ნაღურა | 29 ღურთუთა, 1969 (75 წანერი) ვაშინგტონი, ააშ | |
| ნთხორუ აბანი | გრინ-მაუნტიშ სასაფლა | |
| მენოღალობა |  ააშ | |
| ერუანობა | ამერიკალი | |
| პოლიტიკური პარტია | რესპუბლიკური პარტია | |
| მუმა | ალენ მეისი დალესი | |
| ნანა | ედიტ ფოსტერი | |
| ალმასქუ | მართა ტოდი | |
| სქუალეფი | 3 | |
| გონათაფა | პრინსთონიშ უნივერსიტეტი ჯორჯ ვაშინგტონიშ უნივერსიტეტი | |
| საქვარუა | იურისტი, პოლიტიკოსი | |
ალენ დალესი გურაფულენდჷ პრინსთონიშ უნივერსიტეტის, სოდეთ მიპალუ მაგისტრიშ ხარისხი. 1916-1922 წანეფს ნინალენდჷ შხვადოშხვა დიპლომატიური პოსტეფს. რდჷ ააშ-იშ დელეგაციაშ კონსულტანტი ჩინეთის. უკულ მუშობა ქიდიჭყჷ ნიუ-იორკიშ იურიდიული კომპანიას. მაჟირა მოსოფელიშ ლჷმაშ ბორჯის, დალესი მუშენდჷ სტრატეგიული ნინალეფიშ ოფისის (სნო). 1942-1945 წანეფს რდჷ სნო-შ ბერნიშ ოფისიშ მადუდე. 1951-1953 წანეფს მუშენდჷ ცენტრალური ოთოლორე სააგენტოშ (ცოს) დირექტორიშ გამაკოჩო. 1953 წანას ააშ-იშ პრეზიდენტიქ, დუაიტ ეიზენჰაუერქ დალესი ქუდარინუ ცოს-იშ დირექტორო. დალესიშ ხემანჯღვერობაშ პერიოდის ცოს-იქ არსულჷ შანულამი ოპერაციეფი მოსოფელიშ მასშტაბით. ცოს-იშ ჩარიებათ მოხვადჷ მოჰამედ მოსადეყიშ თარობაშ გინორაგვაფაქ ირანს, 1953 წანას დო ხაკობო არბენს გუსმანიშ გინორაგვაფაქ გვატემალას, 1954 წანას. ცოს-იშ რეპუტაციაქ დეზიანჷ 1960 წანას, მუჟამსჷთ სხუნუეთიშ ტერიტორიას გეგთათეს ოთოლორე ფურინჯი U-2. 1961 წანას ცოს-იშ ალარინათ დო დაფინანსებათ იმანჯჷ ღეჯეფიშ ჸუჯიშ ოპერაციაქ, ნამუქჷთ წჷმოძინელქ ვეჸუ. ჸათეშ გეშათ პრეზიდენტი კენედიქ დალესი პოსტიშე გეგნარინუ.
დალესი რდჷ მაკათური 1963 წანაშ 29 გერგობათუთას დუნარსხუა ოურენიშ კომისიაშ, ნამუშ ღანკი პრეზიდენტი კენედიშ ჸვილუაშ გჷმორკვიება რდჷ. ჸეთი პერიოდიშო დო ასე ხოლო არსებენს კონსპირაციული თეორია, ნამუშ მეჯინათ კენედიშ ჸვილუას მონაწილენდეს დალესი დო ცენტრალური ოთოლორე სააგენტო. 1979 წანას, ააშ-იშ წჷმმარინაფალეფიშ პალატაშ სპეციალური კომისიაქ ოფიციალურო დადგინჷ ნამდა კენედიშ ჸვილუას დალესი ვაკათუდჷ.